احم احم لقيمات من صنع ايديني شي مو غريب
بما اني من سنتين و انا ابي اريح الغاليه امي كنت اخليها
تسوي العجين و اصب اللقيمات عنها
شعور يهبل لما يطلعون مدورين حلوين سليمين من
الاعاقه و من غير قرون او ايدين و اريول :)
استانس اطلع ابشر البيت كله انا سويتهم لووول
و لكن الصج الصج ما كنت اعرف مقادير العجينه بس
حبيت اتعلم هالسنه فما سالت امي لاني ابي افاجئها
سالت حبيبتي و الغاليه على قلبي رفيجتي قالت لي بعطيج
طريقة لقيمات يديده بالقرع @@ انا بصراحه انصدمت
شكووو القرع ابي مقادير لقيمات يا حلوه مو مرقة !!
المهم اقنعتني انها تهبل و طعمها مميز
و اطلع فيها جدام ماماتي هههههههه
قمت مبجر و تسحبت للمطبخ قبل امي و عجنتها و كاهي الصوره
![](https://blogger.googleusercontent.com/img/b/R29vZ2xl/AVvXsEhOmxtBXobNO1As_hOL7K4DTuB6MoWnUlBz8uGYjkFyc_GDp-qAWBlAXt3L6DYo4pKBKcRdFU1p-Oi9MwifCdG7PQ1WYvjllBz8wB_oWuxxmlzTZZFoI98GLsO9m8AA9BWrAuLJyau6sPEj/s320/13082010492.jpg)
بعدين عقب ما خمرت و صار وقت اني اصبهم صورتهم
و اهمه يسبحون بالزيت :)
و اهني عقب ما خلصتهم و شيرتهم رحت اركض بالصينيه من مكان لمكان
و امي تناديني ياربي ما انلام انجاز سويتهم من الالف ليما الياء لوووووول
و اهني الصوره اقرب و الاهم ان طعمهم حلووو
ما قصرت صاحبة الوصفه ^_*
** مقادير لقيمات القرع :
~~~~~~~~~~~~~~~
2 - قلاص طحين
2 - روب
1- قلاص قرع مفيوح و مهروس
1- ملعقة كبيره خميرة
4 ملاعق كبيره نشا
ماء كافي للعجن
** ملاحظة :
~~~~~~~~
لا تصير العجينه لينه حيييل و رخوه و لا تصير ثقيله حيييل حسب الماي اللي ينحط .
18 التعليقات:
انا خدامة يدتي اول كانت تسويهم بالبطاط وكانوا لذيذين..
بالعافيه يارب..
وخوش انجاز :) ماشاءالله..
تسلم ايدج ..
لقيمات بالقرع؟؟
يديدة علي ..
ضروري أجربها
ماقمت اكل قيمات من توفت عمتي الله يرحمها :(
رورو الشخبوطه
صح امي قبل كانت تسويهم بالبطاط :)
ربي يعافيج و يثلمج غلاتو
اثتحيت انا :$
Basees
اي و الله بالقرع :)
شفت شلون حتى باللقيمات طلعت فناتق :P
جربها خيو و بلغنا بالنتايج
و عوافي مقدما ^_^
طموحه مملوحه
حبيبتي طولة العمر لج و ربي يرحمها :(
و لا يهمج اسوي لج كل يوم و حياج
بس سوي لي دعايه الصينيه بمية دينار :P~
بعدين جربي الطريقه هاذي و حتدعيلي :)
@@ لقيمات بالقرع
جديده هذي ...
يعطيج العافيه قلب ع الطريقه
وشكلهم طالع حلو ماشاء الله
بالعافيه :**
~ فجر ~
ايوه يختي بالقرع :)
ربي يعافيج فجوره و الحلو تواجدج :*
قلب طفله
حسبي الله على ابليسج ،،،،،،،وش هالقيمات قلت مارح اكتب الا عقب ما اسويها واليوم من الظهر عينة العينه وقليتها وشيرتها وعقب الفطور لهمتها لهام يا اختي ما سويتي فيني خير ابدددددددددددددددددددددددددددددد
الله يا هي ناطعه عجبه مع القرع طعمها مو خرج عاده ابد ومشكوره على الخراب الصحي لووووووووول
ام الحفيز :)
يا هلا و غلا و صينية حلا
وااااو الحمدلله جربتيها و عجبتج :** عليييييييييج بالف عافيه و لا تكثرين عشان كشخة العيد و عشان ما احس
بالذنب ^_*
ههههههه حلوة سالفة سليمين من الإعاقة
وماشاء الله الصور تكاد تتكلم
موفقة يا قلب طفلة
تسم ايدج
شكلها حلووووووو
ماشاء الله
ناطرين النقصة
p;
**************
انا اليوم بعد سويت لقيمات
حلوه وايد
تسلم ايدينج
رمضان كريم
وكل عام وانتم بخير :)
احنا نسويهم بالبطاط
و امي الله يحفظها لما تصبهم
تخليهم صغار مجكنمين يشوقون
ــ ما علينا طريقتج بعد شكلها تشوق
انشالله اجربه بيوم
بالعافيه
تحياتي
مالك الاسلمي
حياك الله اخوي و ربي يوفق الجميع :)
aL-NooR
حلت دنياج و ربي يسلمج
و يعافيج بعد قلبي :)
اقصوصه
تسلم ايدياتج اقصوصه و ربي يعافيج
و انتي و الكل بخير ياربي :)
Katkoota xD
هلا كتكوته و امي بعد كانت
تسويهم بالبطاط :)
عسى ربي يحفظ لنا امهاتنا
و يطول بعمرهم
ربي يعافيج غلاتو :)
بطلي مشروع سميه
Honey Elgimat
وأشتركي بمشروع كويتي وأفتخر :P
بلوق عمتي
ههههه تصدق خوش مشروع و بالنصيفه
انا وياك مو انت راعي الفكره :P
تقبل الله طاعنج
وعيدج مبارك يارب
إرسال تعليق