السبت، 16 مايو 2009

سوينا اللي علينا و الباجي على الله




حالة خوف / ترقب / كدر / كأبه / مخيمه على الكويتين

ينطرون الفرج من الله ثم من بعضهم و تحديدهم لمصير

هالديره الطيبه اليوووووم و انا من ضمنهم ..

ما نمت ابي اكون اول وحده اصوت و اسوي اللي علي

بعد ما كنت ناويه احتفظ بصوتي لنفسي و محد

يستاهله عقب تفكير و تفكير و تفكير و تفكير قررت

اصوت و اشارك ، صليت و دعيت ربي اللي فيه الخير

للكويت و اهلها يقدمه و يعجل فيه ..

طلعت الساعه 7 ونص معاي امي العوده بالسياره

اقولها يما ادعي الله يفكنا من نواب الهم و الغم

نواب المشاكل والفتن نواب السلب و النهب

نبي الكويت الاوليه ...

بعد قلبي دعت للكويت و كل كويتي بالخير

و الامن والامان و هم بجت فديتها و فديت عويناتها

دشينا بسرعه للجنه عقب ما افتكينا من النشبات

((جمع نشبه )) اللي بره و البروشورات و الكروت

اللي معاهم و هم يهالهم :P

ردينا البيت الكل صحصح و بيروح يصوت استغربوا

مو قلتي ما تبين تصوتين @@

رديت عشان الكويييييييت بصوت و اسوي اللي

علي عشانها بس ..

ابي الفرز يخلص بسرعه بشوووووف النتايج و

ابي التغييييييير اللي اتمناه و يتمناه كل كويتي ..



العصر نزل مطر يهبل بلل الشارع و نظف الجو

من الغبار قعدت يم الشباك و قمت ادعي وخواتي

الصغار معاي ان هالمطر يكون فال خير علينا

وعليج ياكويت و يغسل قلب كل من شايل على الثاني

و يشفي كل مريض .



باجر وراي دوام و امتحان عملي بعد يعني شغل

ايهد الحيل بس بسهرررررر لصبح انطر الفرز يخلص

يارب خير :)





** للي سالوا علي احبكم بالله و مشتاقه للكل عسى الله يحفظكم و يسعدكم **



كويت بحبك وحشتيني يخجي ^_^



و بعدين لا تظلمين حظج انا مو دبة دبيبة صغيره :pP~