السبت، 12 مارس 2016

مشتاقه لقلب طفله .. مشتاقه لي

بلوقي مغبر مهجور من جم سنه 
مشاغل الدنيا و ظروفها خذتني و اشغلتني عنه
او بمعنى اصح خذتني مني و لهتني عن نفسي و عن الاشياء اللي احبها 
من زمان كنت اخاف لما نكبر نتغير او الدنيا تغيرنا ..
الحمدلله انا ما تغيرت ثابته صامده متمسكه بروحي بقلبي
قلب الطفله اللي احبه في زمن متغير متلون متحول غريب 
بس للاسف يسحبنا معاه و ننشغل و نرجع نصحى و نتذكر 
الاشياء اللي نحبها و نبيها و ما نفكر نغيرها ..
و نررررررررد لها   ❤

خلال هالجم سنه اللي غطيت فيهم عن البلوق فيهم انجازات و اخفاقات و الحمدلله على كل حال .. اصلا كل شي كاتبه ربي حلو 😊

اممممم

 ابي اتذكر بس الاشياء الحلوه ...
* تحديت نفسي و وصلت للرشاقه و الوزن المثالي .. الحمدلله . 
* اتميزت بوظيفتي كمعلمه و اخت و صديقه لطالباتي و سنه ورا سنه حصدت حبهم و خرجت اجيال .. الحمدلله 😆❤
* شفت مي حبيبتي اختي و صديقتي الحمدلله و باقي منال القلب ان شاء الله 💕
* دخلت مسابقات ابحاث علمية على مستوى الكويت مع طالباتي و فزت فيهم بالمركز الاول الحمدلله ❤
* اشتريت سياره جديده بس ما انسى فتحيه ما قصرت معاي سيارتي الاوليه 😆😆 
* صرت عمه للمره الثانيه بولادة حصه سمية اختي حبيبتي الله يرحمها 💕
* صرت عمه للمره الثالثه بولادة سالم نمبر تو ولد اخوي الثاني سمي الغالي 💕
* الحمدلله الحمدلله الحمدلله تخلصت من هم كبيييير الله لا يعيده .
* ابتديت مشروع تفصيل و تصميم عبايات الحمدلله .
* ابتديت مشواري باكمال دراستي العليا في البلد اللي اعشقه مصر مع احلى و اغلى خوات ربي يوفقنا ❤
* صرت عمه للمره الرابعه بولادة منيره سميت الغاليه ❤
اممممممم في اشياء اكثر بس هذا اللي فبالي :/ 

* و راجعه بتحلطم في بلوقي لنفسي و مع نفسي لان المدونات انهجرت بس بعد مستانسه اني رديت الحمدلله 

Test t7al6m

 :)))))


الثلاثاء، 8 نوفمبر 2011

سجن الذكريات







قد ينجح استحضار ماضي جميل لستعادة حاضر مفقود




بين طيات الحزن لكن ليس دائما ..




فأغلب الاحيان تتحول ذكرياتنا لقلعة مسورة





بأسلاك شائكه تدمي القلب و تخنق الروح ..






لكن عند تذكر قدرة الله و رحمته




يتفجر من العين ينبوع الدمع و من غيوم القلب الملبدة تشرق ابتسامة





تمحي حزن الحاضر و تعيده بسلام لرف ذكريات القلب و العقل





لستحالة نسيانه او فقدانه لحتوائه على تفاصيل ارواح




اختارها الله لتكون بجواره ..






--( سبحان من لانت لقدرته الشدائد الصلاب )--

الأحد، 6 نوفمبر 2011

عيدكم مبارك :)