شلونكم يا الطيبين شخباركم ؟
اليوم نويت في هالبوست المتواضع افتح بقالة قلب طفله
لكل ما لذ و طاب من مشتريات الطفوله :
بقولكم سالفتي مع الجمعيات او الفروع و البقالات
من صغري كنت كل ما اطلع من الروضه و بعدها
المدرسه بجميع مراحلها شي ضروري ابوي او امي
يمرون فيني الجمعيه اذا كلش الفرع
و اذا كلش كلش البقاله المهم ارد البيت معاي جيس مليان
خربطه على قولت الكبار ^_*
هذا بايام الدوامات انزين بالويك اند شلون اروح ؟!
سلمكم الله اذا اجتمعوا الاهل و بزوارتنا كلنا يا الصغار
نلعب و نستانس و قبل المغرب نطلع قروب بنات و صبيان
مع الخدم للفرع اللي يم البيت .
اسم الله علينا طابور و ضابطة هالطابور طباختنا العجوز
الله يذكرها بالخير كانت تخوفنا و تمشينا عدل لوووووول
تالي يوم كبرنا شوي نروح بالسياره ..
يا حلاتها من اياااام المهم طول الطريج ضحك و غشمره
و ندخل الفرع ننتشر كل واحد يملي سلته باللي يبيه
و نوقف دور ع الكاشير نحاسب و اللي يخلص يصفط برا
ينطر الباجي و نرد للبيت بنفس الطريقه اللي رحنا فيها .
انزين بقولكم شي بسيط من اللي يكون بسلتي :
(( عصير سانكست او كورتينا / بفك سفينه /
علج بوقطوه و بوسهم / برد صاروخ و فيلجا و طياره
/ حلاو مصاص قلب الحب الاحمر / سنيكرز / اروا/
كيك امريكانا سويس رول كاكاو و ممكن يكون فراوله ))
و اول ما ندش سيييده نتوجه بامر من امهاتنا لغرفة
الطعام ناكل و نعفس الدنيا فيها و نسولف بما يعنينا ..
و اللي يعنينا بذاك الوقت كل واحد او وحده يقص قصصه
بالمدرسه و شنو صار و انت ما شريت هالكاكاو و انا
شريت هالبطاط و لا انا شريت هاللعبه و تالي نتفق
منو يلعب مع منو و شنو اللعبه .
نخلص البنيات اسم الله علينا مرتبين نشيل قشنا
اللي قطيناه بس الصبيان الله من الذرابه عندهم
يمشون و الحوسه وراهم نسمع تحلطم الخدامات
و نروح نفتن عليهم لووول
عاد يبتدي اللعب بالدوارف و الحوش و اهم شي
رحنا الفرع او البقاله ^_^
و للحين اذا وديت خواتي الصغار اشتري اللي متعوده
عليه من صغري ينطبق علي مقولة :
من شب على شيئا شاب عليه ..
عقب هالقرقه و الهذره ويا ذكرياتي البقاليه او الفرعيه
(( مو فرعية انتخابات ؟ لالالالا كلمة فرعية مشتقه من
فرع الجمعيه لا يروح بالكم لذاك الصوب *_* ))
ابي اعرف شنو الخرابيط اللي كنتوا تشترونها
من البقاله و انتوا صغار ؟؟
و للحين نفس الشغلات تشترونها و لا خلاص
كبرنا على هالسوالف ؟؟
41 التعليقات:
للحين اشتريها :)
بس انت وين والديرة وين:)
صج قلب طفلة
ترى طلعت تشكيلة الوزارة تدرين عنها؟
اشك تعرفين اسم وزير :)
اتغشمر
:)
الله احب بوستات الذكريات
وانا للحين اشتري نفس خرابيط اللي قبل
للحين قبل ما اروح الجامعه اشرب حليب موز وحليب فراوله
للحين بردي المفضل صاروخ وذهب
قبل كنت احب اشرب كندا دراي والحين مو لاقيته
احب البطاط الاحمر الحار العواد وللحين احبه
كنت اكل بطاط كتكو الخل الحين ما آكله بس الملح
كنت احب البطاط الملون الخواتم بس الحين لا ما اكله
احب كيك امريكانا وللحين اموووووت عليه
احب العلج الازرق اللي اذا تفخته يلزق بويهيي بس ما اعرف شسمه
خوووووووووش بوست
يعطيج العافيه
بوستج يعور القلب
من الناحيتين
الاولى ليش إني غرامي الكاكاو والخرابيط
والثانية الذكريات الحلوة
سلمج اللة
قبل أكو ككاو لونة اصفر مادري شسمة بس من طقة الكيتكات مستطيل
والكيتكات طبعا
وبفك. وبطاط كيتكو بو خواتم لووووووول
وعلج بو رييييييل طويلة
وعلج الجراقي
وبرد برقان وطاروخ
وكاكاو بو نجوم
وطبعا الملك اللي كان اينا من لندن (فليك .... وكادبري)
وسانكست أخ يا سانكست لازم نفتحة فتحتين
ومشكورة أحس رديتيني 22 سنة
يا حلو أيام أول والله :]
ولهنا عليها !!
والله بيني وبينج انا ما اكبر هذا انا الي اسويه قبل اسويه الحين مع شوية تطورات :)
بس والله خوش خوش موضوع :]
اممم
بالنسبه لي :
كان حليب الكاكاو مهم عندي .. وككاو كتكات .. وككاو الي على شكل مضله مقلم لووووووول ما انساه :]... وبرد لولى توت الله للحيـــــن اموت عليه :).... بفك فلونه:p مو طبيعي ... الحلاو الي يطقطق بالحلج كان عندي هذا شي مهم .. والحلاو الي يلون يلون الحلج لووول عشان اتشيحط و الجراغي الي تضغطينه بالنص وينتفخ وبعديين ينفجر .. والجراغي الي تقلينه بالأرض ويطق :p .... ووايد والله
طبعا الحين شوي تغيروا بس مو كلهم تغير بسيط يعني :)
يعطييج ألف عافيه على هالبوست الحلو
من أحلى البوستات الي قريتها والله
عاد لي أيام الطفوله
يا حلوها من أيام
صدق من قال : ألا يا ليت الشباب يعود يوما " ;p
والله آنا كنت من ربع مارس وسنيكرز أكثر شي بس مو كل يوم اروح البقالة
أنا ذكرياتي ويه البابايات أكثر ويه كبمارو النينجا المغامر مع سالي وفتاة المراعي أيام الغزو أمي الله يطول بعمرها كل ماتشوف فتاة المراعي تتذكر أيام الغزو الله لايعيدها والله أيام آنا أتذكر أيام كنا ساكنين ببيت يدي الله يرحمه بالشاامية كنت أطلع هالبابايات
بالصالة إلي تحت وكله تطلع يدتي الله يرحمها وتشوفني اطالعهم وآنا مستانس
هي تستانس وتفرح رحمة الله عليها فعلا
على قولة ريم :أيام مرت ريتها بتعود
:( .
اهلييين Mok
زين انك للحين تشتريهم ما بدلتهم بالجرايد يعني لووول
امبيه موك لا يكون ع بالك انا
بجليب و ما ادري بلي حولي *_*
ترا انا معاكم و بديره واشوف و
اسمع و انقهر بس مخليه السياسه
لكم و فيكم الخير و البركه خيوو ..
و تشرفت صراحه و قرب ينفجر قلبي
من الفرحه بالتشكيله الوزاريه الحلوه بس ماله داعي اسطر
اساميهم الموقره :P
نورت يا السياسي :)
انا كنا نشتري كندر ونركب الخرابيط اللي تطلعلنا
وبطاط كتكو بو خواتم
وسانكيست سيد العصائر
برّد توت لولي
أو صاروخ او بترا الي فراولة وفانيللا
كاكاو اللي جنه نيرة
علج ببل جم الوردي يترس الحلج اذا علجته
مصاصة ام قلب احمر
كيتكات بوقرطاس قويل اقصه بظفري نصين
أعتقد هذول اهما بس ما اذكر بعد
يا هلااا و غلااا شلالات
يعني نفسي تحبين الذكريات و لو
بيدي اعيش فيها ما اقول لا
وااااو اموت بالخوخ مال كنددراي
بس صاجه مو لاقيته اختفى :(
ههههههههههههه العلج الازرق اللي
اسمه بالوردي و واحد من الحروف صايرعلى شكل تفاخيه ؟؟!
و الله الخووش اهو مرورج يا الغاليه
و ربي يعافيج و هديه من البقاله كرتون سويس رول امريكانا ^_*
نورتي حبيبتي :))
اهليييين حسافتج
اي ادري يعور القلب عشان
الذكريات الحلوه بس الخربطه بيدنا نشتريهم متى ما بغينا كبرنا محد
بيقولك تسوس اسنانك لووول
كيتكو بو خواتم يهبل انا وياه صحبه للحين و حلاو الجراقي يا حلات اشكالنا
و احنا نفتح حلوجنا و نستانس لما يطقطق صج اطفااااااال ههههههههههه
و السانكست يا حسافتج ما نتهنى
بشربه الا بالفتحتين تحس طعمه غير
و ما نعترف بالاعواد مالته
و بقولك سر
للحين اشربه بالفتحتين العود
ما اشوفه اصلا ^_*
العفووو يا خوي و الله يسلمك
رد بالذاكره لورا كل ما بغيت
راح تبتسم و تضحك من قلب ^_^
هلاااااااا و غلاااااا
يوترن
تصدقين اغراضج اللي بالجيس اشتريهم
بس شيلي حليب الكاكاو من صغري ما احب الحليب و يقولون بتصيرين قزمه
لكن الحمدلله الحين يصفوني مع
العمالقه :p
و زيدي عليهم اغراضي اللي ذكرتهم بالبوست وفي قبل لعبه على شكل جندي صغير و على ظهره برشوت او مظله جيس يا كثر ما اشتريه و اقطه من فوق الدرج ابيها تنتفخ و ينزل شوي شوي ههههههههههه .
اثاريج تقولين هالمقوله نفسي
((ليت الشباب يعود يوما)) انا
تجاوبني امي بتكملتها و تقولي اذا
توج باول شبابج تقولينها لصرتي
عجوز شبتقولين لووووول
الله يعافيج و يسلمج حبيبتي
نورتي الموضوع ^_^
هلاااا بصقر قريش
اي اي اي حلوين المارس و السنيكرز مفيش كلام عليهم :)
و الببايات هذووووول يبي لهم بوست بروحهم امبيه عالمنا و احنا صغار فيهم و معاهم كلش و لا كاتولي فتاة المراعي و لا سالي و الظلم اللي
عليها تعور القلب :(
الله يحفظ لك الوالده و يرحم يدتك و اموات المسلمين :)
نورت يا خوي و لك كرتون مارس و
ثاني سنيكرز لانك مو من ربع
البقاله << تسوي دعايه ^_*
يا حيا الله joy :)
اي بيضة كندر كانت تصير هوشات عليها لما تتخربط التركيبات اللي فيها مع تركيبات طفل عوب ثاني لووووول
الله حلوه اغراضج يا جوي و طريقة
قصج للكتكات تهبل ^_*
نورتي اختي
(نلعب و نستانس و قبل المغرب نطلع قروب بنات و صبيان)
لا يدري عنكم المجلس اليديد...لا يطبق عليكم اللي طبقه على الجامعة منع الاختلاط
انا بعد عندي انتخابات فرعية <-- عجبتني
انا يا محفوظة السلامه كنت اشتري كتكات بو قصدير مو الحين بو نايلون وسمسمية وكوكاو بو شمسية هذا بالنسبه للكوكاو
امابالنسبة لي المشروبات ...فالمشروبات اللي كنت اشربها اعتقد انقرضت فكنت احب سينالكو، واذا ماكو نامليت، وكريما كندا دراي، والسانكست لي اليوم اشتري كرتون
البرد احب صابونة بترا وبرد مثلث اللي نفقصه بين ريولنا عشان يتبطل وما يخلص الا تعالي دوري لج حنفية غسلي الدبق
بعد...العلوج احب علج هذا اللي فيه منه ثلاث انواع بردقال وفراوله وعنب يصير بكرتون ابيض فيه ثلاث حبات عليج
وما كنت احب البسبسي احب الآر سي
وبفك بولند
وبفك ماركة بفك اما بو سفينه يشلخ للسان ما احبه
وفي بطاط اسمه منشوز بعد
وسلامة قلبج
انا كنت اشتري
حب شمسي و شاااااني :)
لوووووووووووووووووووووول
راح ايام أم الثلاث أسوار راحت
خوووش موضوع :)
بوستج لذيذ جدا
يوم كنت صغيرة
كنا ناكل الككاو بحساب
امي كانت تمنعنا منه
بحجة انه يسبب تسوس
والسبه
انه اذا رحنا
ناخذ جميع أنواع الجلي
جلي بوبيبسي جل الفواكه
الجلي الحامض
وهذا اللى كان يدمر اسنانا
ولازم كتكات وعصير وكيكه امريكانا
مساء الككاو
انا من ناحيتي من كنت صغير لي اليوم
و انا احرص على اني اشتري بيضة كندر
اللي داخلها لعبة
و استانس لما تكون فيها لعبة سيارة
اللي تدزينها و تمشي بروحها
-----
و الخربوطة الكبيرة اللي اخربطها
لي اليوم و زوجتي تضحك علي
اكل اليهال المهروس الي بقراش صغار
اللي على كمثرى .. و تفاح ...
لوووول
مانتوفاني
اول مااشتري جلي بيبسي وعصير سانكيست ومصاااااااااص
وناسه الطفوووله حلوه
وذكريات وايد حلوه عن جد
تدرين لى يومج هذا لي رحت الجمعيه اشتري خرابيط وحلويات الدنيا والدييييين
هلا 3ateeja
(( لا يدري عنكم المجلس اليديد...
لا يطبق عليكم اللي طبقه على
الجامعة منع الاختلاط ))
لوووووووووووول
لا كلش احنا ما يقدرون علينا :P
اي البرد المثلث عفيسه و يذوب
بيدينا و احنا نحاول نفتحه بس
يا زين الدبق ذيج الايام ^_*
عرفته العلج اللي ذكرتيه يهبل البرتقال :)
الله يسلم قلبج و عمرج عتيجه
نورتي
اهليين Mohammed Alyatama
لووووووووووول
اخوي محمد موفر على اهلك مصاريف
حب شمسي و شاني بس !!
اكيد ما كنت تحوس عدل لو تنبش
جان ما طلعت بس بالحب و الشاني ^_*
اي اي اي راحت مع الاسف :(
نورت الموضوع :))
حيا الله Aldenya ^_^
اي يا الدنيا التسوس كان خرعتنا
و طبيب الاسنان البعبع امي الله يطول بعمرها تركض ورانا بفرشاة الاسنان
لو نسيناها :x
شنووو السر ان الاغلبيه كانوا يحبون جلي الببسي و توتي فروتي و جلي
الهوت دوغ يمكن لاني ما احبهم عشان
جذي مستغربه :)))
تسلمين اختي مرورج اسعدني :)
يا هلا mantovani
مساء الجكليت ^_^
محد يلومك بيضة كندر سربرايز تونس
لا تغير طبعك اشتريها و انا اختك كل
ما دشيت صوب الحلويات بالجمعيه و
ان شاء الله فالك السياره :))
هههههههههههههههههههههههههه
مانتوفاني مت من الضحك :))
مع زوجتك حق الله يخليها لك ما احبه احسه عصير ثقيل زياده عن اللزوم انصحك بالسيريلاك يهبببل عاد طب
و تخير بالنكهات ^_* << امحق نصيحه
نورت اخوي
هلا و غلا شيماااء ^_^
اي ذكريات حلوه و ما تنسى
ههههههههههههه
نفسي اصلا اذا ضيعتني امي بالجمعيه تلاقيني صوب الحلويات و اشتري كل شي
كنت اشتريه و انا صغيره و لي رحت
البيت ما اكل نصهم بس اراوي خواتي ذكرياتي و بالاخر اوزعهم لوووول
نورتي حبيبتي
الله يا حلو ايام اول
بيه....شكلج بترديني للماضي
برد همبه الي كنت اشتريه 40 فلس الحين صار 150 .....
عصير سانكست....بفك بو سفينه و شطه
كاكاو بو مضله:) شخباري بو مضله
ممممممم اشيائات كثيره
هذا لمن كان تمر سياره تبيع هالسوالف...بعدين لمن كبرنا قمنا نروح الجمعيه يم بيتنا...واذا كلش اطمر السطح واروح بقالتنا ببلاش
باركو لي لسى مشترك وياكم
قب طفله انا علان منك وينك الكيتكات
حرام عليج وايد امووووووووووت فيه
وين الكيت كات
مالك حق قلب طفله
انا زعلااااااااان
ان شاء الله تشتريها لاطفالك
العزيزة قلب طفلة
مساكِ الله بالخير
للآن ورغم تقادم السنوات مازلت بين الفنية والأخرى اتوجه الى البقالة واشتري
عصير سانكست مع بونجوم وكيكة مالة اول اللى ملفوفة من تحت بس..الحين قاموا يخلونها حبتين مو بس وحدة..عرفتيها
:)
أما لو مريت من صوب المباركية أقص خام فلازم أمر بقالاتها واشتري الكيكة اللي يسوونها بقالات المباركية
أكيد عرفتيها
:)
مع وافر الاحترام والمودة
المحـــــــب/
شــقــــران
هلا بوسعد
برد همه حلووو لا صرت تدرس امتحان :)
و الله انك بايعها تطمر السطح عشان البقاله ربي ستر عليك *_*
منور اخوي
هلا الاصيل
مبروك اخوي و حياك
بعالم التدوين و لا تزعل لك
كتكات بالكميه اللي تبي :)
نورت
يا هلا و مرحبا بو راكان :)
مساك الله بالنور و السرور
زين يعني ما قطعت هالعاده سانكست
و بونجوم و كيكه :)
ملاحظه ان الملك سانكست للحين عشق الكبار و الصغار عساهم بس ما
يقطعونه و لا يغيرون طعمه *_*
و كيك المباركيه يا خراشي
هل يخفى القمر ؟!
هذا ادمان العايله كلها نطق
طريج عشانه :))
نورتني اخوي العزيز
اللــــــه أحلا أيام :)
و ليلحين أشتري نفس الخرابيط :)
بس في وايد أشياء ماقمنا نلقاها :/
كان في جيس داخله(عصير) شكله مثل عصاة .. و كل عصاة لون .. أذكر كنا نحطه بالفريزر عشان يصير أيس كريم ! لوووووووول
و من الأشياء اللي أحبها كندر سبرايس لوووووووول أحب اللعبة اللي داخلها :))
لوووووووووووول ..
للحين الكندر عندي شي أساسي ..
السانكست قبل كان شي والحين شي ..
طعمه تغير صار ماي وسكر ..
أما العلج قبل تقولين طقاقه محد كثري يشتري العلوج ..
لا ومو أي علج ..
هذاك الوردي الي تآكلين واحد منه يترس الحلج تراس ;q
والحين ما أواطن شي اسمه علج ..
وطبعا الآرو عشق لا ينتهي قبل ولحد الحين ..
والبردات << جمع برد مو جمع برده يعني ستاره .. لووول
طبعا البردات اهو صاروخ على فضه على ذهب على سندويش على فانيليا القواطي كله يمشي حاله ..
لوووووووووووووووووول ..
في بعد برد اسمه كورنيش أظن ..
البطاط بفك بو سفينه وإقطع D;
وككل أنا أعشق الككاو ولازلت أكثر من البطاط والبرد والعصير ..
فتلاقين قبل وللحين سلتي تنترس ككاوات وبطاط واحد امضيع وياي بالغلط معاهم ..
تقبلي مروري ..
kuwait
ياسلام عليج يا قلب؛؛؛
ذكرتيني بطفولتي الهاديه
ذكرتيني باللذي مضي .. الله كانت ايام
أيا ليت الشباب يعود يوما,,ههههههه
ذكرتيني بالفرع الي يم بيتنا اقعد الصبح مبجر واخذ من ابوي فلوس علشان اتشري حلويات وبطاط,,,
وكنت احب حلاو بو طابوق الملون الحامض
واااي اينن
ومصاص الوردي والاحمر الي داخله علج
وبيبسي وسانكست
وقوطي ماكينتوش الصغير بس علشان اختار البنفسجي والاخضر المثلت
وابــــــــوي :))كان مدلعنا بالمشتريات والخرابيط الي صج كانت مسويتلنا جو
ونلعب بروي وانا الام وأضيف الناس وزوجي عبود ولد يرانه ؛))) جنه صج
امبيييييييي حركات تضحك والحين من اشوفه استحي وهوه الشيطان يذكرني
يوم كنا متزوجين بالبروي والله يحرجني الله يخسه ويقولي خل نسويها صج عمه والله احراج بس اول كنا ما نفتهم :))))
واحب البفك والكتكو الملون والكتكات
والبريد بو قلاسات الي تحته علج
واااااااايد اشياء ,,,الله شي موطبيعي
اول اونس من الحين ؛؛؛؛
خوش بوست وااايد حلو تسلمين
:***
ياحلو الطفولة لاهم ولاغم
تصدقين للحين الطفل اللي فينى مو راضي يكبر
وللحين اشترى نفس الاشياء اللي كنت اشتريها قبل
تسلمين قلب طفلة حركتى شجونى
وبس
بابل
هلا و غلا لافندر ^_^
اي اي احلى ايام اكيد
و العصير الملون اللي بعصاة ما احبه من كنت صغيره اخواني يسون نفسج يثلجون و يسونه برد لوووول
بس ترا احسن انقطع لانه ماي و اصباغ
نورتي حبيبتي
هلا و غلا كويت ^_^
لوووووووووووووووووووول
عليج سوالف تهبل اذا على العلج انتي طقاقه انا المساعده مالتها لووول
و فاهمه عليج البردات جمع برد
كلش مو يم البرده لووول
انتي مخلصه لبفك بوسفينه لج كراتين
مدى الحياه من بقالتي ^_*
نورتي يا الغاليه
اهليييين و سهلييين
سـت صـبـا ^_^
و الله يا سلام عليج انتي و طفولتج الروعه مثل روحج
الماكنتوش لما اشتريه اخذ منه الحلاوه الدائريةاللي جيسها احمر و اطرافها خضرا و البنفسجيه و الباجي اوزعه هههههههههههه
لوووووووووووووووووووووووول
طلعتي زوجة عبود ولد جيرانكم
بالبروي << مسكتها عليج لووول
امبيه لما يذكرج قمت الاحرااااج
انا لو منج من الحيا اهفه راشدي لووووووول
الله يسلمج و يعافيج اسعدني تواجدج :)
هلا و الله بابل
اي و الله صدقت لا هم و لا غم و لا مسؤوليه عالم نقي هالطفوله :)
مصدقتك لاني نفس حالتك الطفله
اللي داخلي مستحيل تكبر :))
زين ما تخليت عن عاداتك تشريهم للحين :)
الله يسلمك اخوي العزيز نورت
واااو جوعتيني .. ذكرتيني العصريه الساعه 5 لاجت سالي وهايدي نصير مرابطين عند التلفزيون ومعانا المؤونه ..
تصدقين عاد حتى طعمهم اول كان الذ واحلى ..
ابي اعرف شنو الخرابيط اللي كنتوا تشترونها من البقاله و انتوا صغار ؟؟
اموت وللحين ع كاكو بو ملقعه بس الحين تغير طعمه..
بعد كنت اموت ع بفك الامارات وبفك قطر ..
وابو خواتم الابيض طعمه بعد حلو ..
اسكريم اموت باابو عصا لونه غلافه ازرق وبني ..
والعلوك احب كل علك ينتفخ وينفقع عشان اقهر اخواني الي مايعرفون..
الله ذكرتيني باايام الطفوله اييييييييييييييييه الا ليت الزمن يرجع والليالي تدور .>> اقول مااكنك زودتيها يلا اقضبي الباب ,,
موضوع حلو مثلك رجعنا لايام حلوه مررره,,
يسعد لي قلبك ..
ههههههههههههههههه
خوش بوست بس حسافه الخرابيط اللي كنت اشتريها موموجوده الحين
علج ابو ريييييل ازرق عليه صورة واحد ماد ريله شطوولهاا
بفك السياره العجيبه لونه احمر عليه صورة سياره واقف يمها واحد
كيك رول جوز هند يجي ملون اخضر ووردي
وعصير ابو كيييس يجي لونه فضي لون قصدير مخروطي الشكل
وبسكوت مالح او بسكوت ابو ولد<<< اذا زايده فلوسي هذاك اليوم شحقه بسكوت مالح مادري
:)
ســأشـــرقـــ
هلااا و غلااا بالنور ^_^
جوعتج ما عليه اعوضج من بقالتي
باللي تبينه بس بفك قطر و الامارات
اول مره اسمع عنهم !!
اما ككاو بو قفشه يهبل حتى انا احبه
الله على ايام اول ^_^
و بعدين ما زودتيها المدونه و
راعيتها تحت امرج قلبووو
و يسعدج دنيا و اخره حبيبتي :)
تعاليل
هلا و مرحبا ^_^
تصدق و لا شي من خرابيط عرفته بس العصير حلووو حده و البسكوت المالح
ما ادانيه بس عندي اخوي مدمن عليه اشتريه حقه عشان اسكته لوووول
ههههههههههههههههه
حلوه اذا زايده فلوسك لوووول
تدري فيني طبع من كنت صغيره ما احب ارد البيت و معاي باقي فلوس
لازم اشتري فيهم كلهم اي بقاله
ادشها تستانس لووول
ما ادري اسراف جنوني :P
اسعدني توجدك اخوي :))
إرسال تعليق