الخميس، 19 يونيو، 2008

تايتنك الجديد

مرااااااحب




معاي اليوم الفيلم المميز و الرائع



تايتنك ( Titanic )



بس الغريب في الموضوع ان فيلم تايتنك



اللي مدتة ثلاث ساعات واللي كلنا تقريبا شفناه



الأن و حصريا جديد الفيلم مدته



<< جيكو على حصريا اموت بالصج انا



30 ثانية فقط !!



مو مصدقيني!!



ok



شوفواااا




/


\


/


\












هاااا صدقتوني ؟؟؟



اكيد اي عقب ما شفتوا بعيونكم صدقتوا



بس ابطال الفلم اللي باليديد احلى مو ^_*



اهداء لكم ...



رائعة سيلين ديون



My Heart Will Go On








السبت، 14 يونيو، 2008

حلال عليكم و حرام علينا !!


صباحكم / مسائكم ورد و فل و ياسمين
بصراحه فكرة البوست و التساؤل صار في
بالي اكثر من الاول بسبب سالفه صارت
في بيت جيرانا ؟!
بقولكم السالفه و اخرتها بحط لكم تساؤلي
الي ابي منكم اجابه عليه من وجهة نظركم :
السالفه سلمكم ان من 6 شهور توفت جارتنا
((ام جاسم )) الله يرحمها و يرحم جميع اموات
المسلمين كانت مريضه من سنتين و زوجها
(( بوجاسم )) الله يطول بعمره ونعم الزوج المحب
الي مجابلها و ما تخلى عنها بكل لحظات حياتهم .
المهم عندهم عيال و كلهم متزوجين
و مزوجين احفادهم بعد ما شاء الله المهم عقب
وفاة المره بشهرين (( بو جاسم )) قام يحن على
عياله الي معاه في البيت انه يبي يتزوج و ما
تعود على الوحده بعد وفاة شريكة حياته
<< خوش عذر و المره توها ما كملت سنه :(
المهم الشايب عزم على الزواج و عياله انصدموا
ابوهم عود وينه وين الزواج للعلم الله يحفظه
و يطول بعمره يبلغ من العمر ((72سنه ))
بس الي يشوفه ما شاء الله يعطيه بالخمسين .
الشايب ما يبي اي وحده يبي وحده عمرها
ما يتعدى 40سنه يقول ما يبي عجوز لوووول
احتاروا عياله فيه و قاموا يدورون له مره لانه
جننهم و صدمهم قبل جم يوم داق على خطابه
ادور له عروس
<<< تحليلي الشخصي انا اقول المعرس خرف
عاد الله يستر علينا و عليه يدورون له عروس
و منه المال و منها العيال .
خلصت السالفه الي صدمتني و عورة قلبي
و بطلها روبيرت دنيرو سوري بو جاسم :p
التساؤلات الي عندي :
1/ ليش الرجل ينسى العشره و اول ما تموت
زوجته يدور لها بديل و بفترة قصيره ؟؟؟
مو بس بو جاسم كل الي يصير بالمجتمع مثل
هالحاله و ما يكون شايب يكون شاب و عياله
صغار يعني ما يقول بربي عيالي و اخاف
عليهم من مرت الابو و اقعد على
ذكرى ام عيالي !!!
2/ ليش بعض الحريم لما يموت زوجها ما تفكر
الا بعيالها و شلون تربيهم و تقعد طول
عمرها وفيه له ؟؟؟
و السؤال المهم و سبب كتابتي للبوست
و اختياري للعنوان :
3/ ليش المره الكبيره بالسن لما تذبحها الوحده
و يلهون عنها عيالها بحياتهم و مشاغلهم
لما تفكر مجردفكره بالزواج من شخص يعينها
على باقي حياتها و تبوح للفكره لمن حولها
تقوم الدنيا و لا تقعد ؟؟؟
الي يقول انتي خرفتي و الي يقول عيب عليج
انتي عجوز ريلج و القبر و الي يتهمها بالسفه
مع ان هذا حق من حقوقها مو حرام و لا عيب
مثل ما حبيبنا بو جاسم بياخذ حقه ثالث
و مثلث <<< حده بط جبدي .
مع ملاحظة ان ما يكون الزوج صغير بالسن
عشان ما يقولون يضحك عليها و يلهف
ما وراها و دونها نقول رجل بعمرها .
مع ان المعروف و الشايع عندنا ان المره ما
تفكر بشي عقب عين زوجها الا بالستر و
تربية العيال و اذا كانوا كبار تفكر بجمعتهم
حولها و سعادتهم و سعادة عيالهم .

الاثنين، 9 يونيو، 2008

انتظر و لا احتضر ؟!



انتظر و لا احتضر ؟!

لفتحت عيني بعد نهاية حلمي بك

و لارتسمت البسمه بعد مشاهد صورتك

انتظر و لا احتضر ؟!

لسمعت غنايه حلوه تهديها روحي لك

و لقعدت بوسط ناسي ما اسمع الا همستك

انتظر و لا احتضر ؟!

لارتشفت فنجان قهوه القى في قاعه بسمتك

و لما يهرب فرحي مني في تخيل جيتك

انتظر و لا احتضر ؟!

لصفنت ع البحر ساعات و انا متخيلتك

و لدريت انك قاسي و ناسي و لاهي بدنيتك

انتظر و لا احتضر ؟!

لحسيت الزمن يجري و انا باقيه اسيرتك


الأربعاء، 4 يونيو، 2008

سحابة صيف و تعدي ..


يا من أفقت يوما على كابوس اذاقك
مر الفراق و عذاب الهجر ..

لا تحزن سحابة صيف و تعدي !!!


يا من مللت رؤية الظلم عدل و العدل ظلم
و أصبحت اخرس عن الحق رغما عنك ..

لا تحزن سحابة صيف و تعدي !!!


من أغلقت على نفسك أبواب الأمل و السعادة
و فرضت عليها العزله لتسلم من الجراح ..

لا تيأس سحابة صيف و تعدي !!!


يا من فقدت الثقة في من حولك لكثرة الخداع
و أصبحت متردد في من تثق ..

ثق بالله أنها سحابة صيف و تعدي !!!


يا من كرهت كونك عربي و يجري في عروقك الدم العربي ..
يا من أحزنك واقعك العربي المؤلم و الهوان المزمن ..
يا من أغرقت نفسك في ماضينا المشرف
و حصرت حاضرك في كان و كانوا ..

سيأتي يوم و تقول سحابة صيف و عدت !!!


و عندما أحببت أن الخص ما أردت قوله فيما

خط قلمي لن أجد أروع من رائعة أبي القاسم الشابي :


{ إرادة الحياة }

إذا الشعب يوماً أراد الحيـاة فلا بدّ أن يستجيب القدر

ولا بدّ للــــيل أن ينجلـــي ولا بدّ للقيد أن ينكسـر

و من لم يُعانــقه شوق الحيــاة تبخّر في جوّهـا واندثــر

فويلٌ لمن لم تشُقْه الحيـــاة من صفعة العدم المنتصــر

كذلك قالـت لي الكائنـــــات وحدّثني روحهـا المستتــر