الجمعة، 21 أغسطس، 2009

مبارك عليكم الشهر





رمضان جانا و فرحنا به بعد غيابه اهلا رمضان ..


شهر الخير و الرحمه و المغفره و العتق من النار هل علينا


عساه يعود علينا و عليكم بخير و سعاده ..


ربي يرحم اللي ما عاد عليه برحمته ..


رمضان له نكهه خاصه جو عجيب ايام مباركه


و ساعات نقضيها بشعور حلوو ما احسه الا بهالشهر


الفضيل قبل شوي كنت بالجمعيه و انا طالعه من البيت


احس الشوارع حلوووه و الليل حلووو و هم الاوادم


محلوين و اهم يتزاحمون على


الكاشير يحاسبون اغراض رمضان :)


انا واقفه و ابتسم و اضحك من داخلي شعور حده يهبل ..


باجر ان شاء الله بيكون اول يوم للتشريبه / الهريس /


الجريش / اللقيمات / دوالك الفيمتو + الصن كويك


عاد هذولي اسمهم و احنا صغار


شربه صفره و شربه حمرا :P



و هم باجر اول صلاة تراويح و المسيد :)))


الزبدة بقولكم باجر اول يوم رمضان << احلفي :p~


ياربي تبلغنا رمضان اعوام و اعوام و تشفي كل




مريض و مصاب و ترحم اموات المسلمين ...








عــســـاكــــم مـــن عــــوادهـ











الأحد، 16 أغسطس، 2009

العيون تبكي (( العيون ))

انا لله و انا اليه راجعوووون


لا حول و لا قوة الا بالله العظيم

ربي يرحم اللي توفوا و يغفر لهم

و يغمد ارواحهم الجنه و يصبر اهلهم :"(


يارب انك تشافي الجرحى و تردهم لاهلهم بالسلامه

و تعوض اهل العرس خير :"(




دعوااااااااتكم لهم

الجمعة، 14 أغسطس، 2009

مر عليكم و لا ما مر عليكم :P~

صباح // مساء الورد

ان شاء الله تكونون بخير ...

كتبت هالبوست بقولكم عن هبه و فنتق عبيط
طايحين فيه شباب الله يعينهم على
تهويلهم بعمرهم لوووووول
اليوم يا محفوظين السلامه اللي اهو امس بما
ان احنا الحين الفجر و دشينا يوم اخر هذا بمفهوم
الكل و لكن بمفهومي دام انا ما نمت
يعني للحين اليوم :Pp

<< اشك ان احد فهم بس متامله فيكم خير :))

انزين مالكم بالطويله اقولكم شنو شفففففت
كنت رايحه انا و امي الله يحفظها سيتي سنتر
السالميه ع الساعه 8 ونص تقريبا طبعا ما يحتاج
اقولكم الزحمه و الحوسه و الاشكال الغريبه شي طبيعي
بس كان بزود لان ويك اند ..
المهم و احنا نمشي و الا جدامي ثلاث شباب
@@
مو صغار شكلهم بالعشرينات مهولين بكشيشهم
و على جتف كل واحد فيهم بيبي متوه (( ببغاء ))
و في واحد حليوه منهم مسوي تسريحته نفس
تسريحة ببغائه اللي على جتفه غريب شوي
على قولة ماماتي (( عرف ديج )) لوووووول

و يتمشووووون بين خلق الله رازين عمرهم بصراحه
بغيت اصورهم تالي استحيت و كل من مبحلق فيهم ..

خلصت و طلعت و انا اسولف مع امي تهقين
باجر بتصير هبه مثل البلاك بيري
و حجاب بوتفخه و غيره وغيره ؟!!!

بصراحه ما ادري بس ودي ابشر كل من
عنده بيبي متوه يحبه و متعلق فيه ان الموديل
هالسنه الله واعلم انه ...
جذي

/
\
/
\
/

الأربعاء، 12 أغسطس، 2009

حالة مالي خلق




السلام عليكم يا اهل المدونات الغاليين (^_^)


اشتقت لكم حييييل و ربي يعلم


و متابعه لكم من بعيد لبعيد


ما ادري شنو حاشني من بدت العطله


حالة مالي خلق شي حتى اتعاجز افكر و لصممت


اني افكر حاشني النوم لووووول


ادري ادري الحاله اللي عندي تخرع


ان شاء الله ما تحوشكم اهي مخوفتني بس اطمن


نفسي و اقول


هذي يمكن الحاله اللي حاشت اخوي عثماني و اكتشف لها


مسمى اللي اهي


(( Bloglessation )) بس انا تطورت عندي الحاله


مو بس حق البلوق حق كل شي لوووووول


عاد اليوم الحمدلله نويت اجحت هالحاله بعيد و اتقوى


عليها بعد بس لمتى << علمي نفسج


اي علمت نفسي و فهمتها و كاني رديت كتبت بوست اهو صج


تحلطمي شوي لكن قليلا دائم خيرا من كثيرا منقطع :P


بسبة حالة (( مالي خلق شي )) طافتني اشياء كتيره اوي


لحبايبي و اخواني المدونين و المدونات


يعلم الله اني فرحت لفرحكم و حزنت لحزنكم منها :


- تخرج نجومه من الجامعه ..


(( الف الف مبرووووك نجمه و منها للاعلى ))



- عودة زوز عقر بقر بالسلامه اهي واميمتها الله


يحفظها لها (( الحمدلله على سلامتكم ))



- عودة الغاليه مملوحه كويتيه (( الحمدلله ع السلامه )) .



- كويت المفقوده من غير شر (( ويييينج يا بنيه ترا انغمت قلبي


كل ما اطل بمدونتج القاها مقفله لا يكون حايشج نفس


حالتي @@


الله يحفظج وين ما تكونين يا الغاليه )) .



- منو ينسى فاقدينج من غير شر (( الله يحفظج و يردج بالسلامه ))


- صباااااا فاقدينج من غير شر (( الله يحفظج و يردج بالسلامه ))


- ميرامار فاقدينج من غير شر (( الله يحفظج و يردج بالسلامه ))



- ست شلالات من غير شر غطيتي من عقب نتائج اللعبه .


(( الله يحفظج و يردج بالسلامه ))


- الاستاذه العسل استكانه و جائزة هديل العالميه ان شاء الله


تاخذنينها لانج تستاهلينها و الله مو مجامله ابدا .. موفقه ..


(( ما خليت احد اعرفه الا و سويت لج دعايه
عنده فزعة كويتيين :P ))



- ذكرى الغزو العراقي الغاشم اللي مستحييييييييل ننساها مهما صار .



و الى هنا اكون كسرت شوي من حاجز الصمت و حالة المالي خلق ^_*