حريم أول سنع و جمال و عقل و ثقل .
الوحده منهم تتفانى بخدمة الزوج و العيال
الوحده منهم تتفانى بخدمة الزوج و العيال
و قبلهم رضى ربها عليها .
سوالفهم و مواقفهم بذاك الوقت ، اليوم
سوالفهم و مواقفهم بذاك الوقت ، اليوم
نستسقي منها الحكم و نقول الله يرحم الاولين
في حياتهم البسيطه و شقاهم نلاقي العبره .
اكو فكره عند اغلب الحريم و متفقين
اكو فكره عند اغلب الحريم و متفقين
عليها اهي ان اذا الزوج بدأ ينتقد زوجته
و يطلع عيوبها و قام يشوف فيها اللي ما كان
يشوفه من قبل فهذا شايف له شوفه و تملل منها
و يبي العذر عشان يخليها او يتزوج عليها !!
هالفكره برأس حريم امس و حريم اليوم
هالفكره برأس حريم امس و حريم اليوم
و براسي انا بعد لاني محسوبه
على الاطفال و على الحريم لووول
و في قصه قديمه كانت تقولها امي العوده
و في قصه قديمه كانت تقولها امي العوده
عن وحده لما انخطبت بنتها و ملجت
و بدوا يزهبون دزتها سوت لبنتها قلادة
من خرز ملون و حطت بين هالخرز
دمنت خروف وحده ما تبين و نادت البنت
و قالت لها : هالخرز لا يطيح من رقبتج
و قالت لها : هالخرز لا يطيح من رقبتج
ابد خليج لابسته على طول .
البنت عجبها بس انتبهت لدمنه اللي
البنت عجبها بس انتبهت لدمنه اللي
بين الخرز و قالت: ليش يما حطيتيها
فشله شنو بيقول الريال عني .
ردت عليها الام : ما لج شغل خليها برقبتج
ردت عليها الام : ما لج شغل خليها برقبتج
و متى ما شافها زوجج و قالج شي عنها
اعرفي انه قام يدقق فيج و يطلع عيوبج
و ما يبيج حزتها لمي قشج و تعالي
البنت احفظت كلام امها و لبست الخرز
البنت احفظت كلام امها و لبست الخرز
و تزوجت و عاشت بسعاده و صار عندها
صبيان و بنات و هالخرز برقبتها
و لا انتبه للدمنه اللي فيه .
و بيوم و اهي قاعده جدامه تصب له جاي
و بيوم و اهي قاعده جدامه تصب له جاي
قالها ام فلان شنو هاللي حاطته برقبتج و
يقرب يشوفه رد عليها ويع احد يحط دمنه
برقبته و قام يتأفف منها اهي انصدمت و
ذكرت حجي امها لها قبل عرسها و
قالت له توك تشوفها عقب هالسنين !!
شالت قشها و عيالها و راحت لبيت اهلها .
و الزوج الحبيب دور له على عروس
شالت قشها و عيالها و راحت لبيت اهلها .
و الزوج الحبيب دور له على عروس
هذا اذا ما كان حاط عينه عليها قبل تروح
زوجته لاهلها .
عقب هالقصه القديمه صج الرياييل لبغوا
عقب هالقصه القديمه صج الرياييل لبغوا
الفكه من المره قاموا يطلعون فيها العذاريب
و الاطط الفطسانه على قولة المصريين .
يعني على الاقل لو فيها عيوب ناقشها
حاول تغير الغير مرغوب فيها مو
تغيرها كلها جنها اثاث و راحت
موضته و يتغير بالكامل :@
حطيت هالبوست و السبه سالفة سمعتها
بالدوام عن وحده ريلها يموت فيها و
عقب عشرة عمر قام يحط فيها عيوب الدنيا
و الدين عشان يكون له حجه يتزوج عليها :(
اقووووووووووول
معشر الحريم مو تقعدون تشكووون عقب
هالبوست برياييلكم لنتبه لشي عندج او فيج
تقولين اييييي هذا شايف له شوفه انا مالي شغل :x
و انتوا معشر الرجاااااال انا ما احرض عليكم
لا سمح الله ابدا ابدا بس انبهكم ان
المره ذكيه مو غبيه :p~
22 التعليقات:
عجبني الموضوع وايد
بس تبين الصج
كان المفروض الام الحكيمه تنصح بنتها
انه لما زوجج يدقق بالخرز ويشوف الدمنه
معناته بدا يمل منج
والمفروض اهني تبلشين تهتمين فيه اكثر من اول
مو تهدييييييين له البيت وتمشين
هذي كلللش مو حكيمه الام
هههههههه
شوفي الريال مثل المراه صدقيني
كل واحد فينا ممكن يمل حياة الروتين بعد سنوات من الزواج
طبعا الفرق انه المراه مستحيل بتترك حياتها وتدور على شيء يديد
اما الريال فالزواج الثاني متوفر وسسهل ومحد بينقد عليه لو سواها
:\
الخلاصة احنا مسؤولين عن حياتنا واحنا كنساء المفروض نعرف شلون
نجدد حياتنا ونخلي الرجل مهما كبر متعلق بزوجته وبيته
;)
اسفة على الطواله بالتعليق
بس خووووش موضوع
يا زينج ويا زين سويلفاتج
انا بس قريت العنوان
يبت استكانتي وييتج اتسحب بسمع لي جم سالفه
:)
وانا من راي فانكوفر
المفروض الام تقولها بس يشوف الخرزه ويبدي يدقق تكون اهي اذكى وتحاول تحتويه وتتغير عشان ما يفكر ياخذ عليها
مهما كان الريال
يظل للعمر والعشره والسنين مكان بقلبه
اتوقع
لأني ما زلت متفائله
:))
:))
الله يهديها الام زهبت الادوه قبل الفلعه
خربت بيت بنيتها :((
بدال ما تنصحها,,ازرعت بعقلها فكره
غلط !!
علي فكره ماره علي نوعيه مثل هالام الحكيمه واختربت بيوووت ..الله يهديهم
عكس امي بعد قلبي ..البنت من بيت ريلها لي القبر :)))))))
موضوع حلو
:)
طريقة طرح الموضوع ذكرتني بحبابة
الي تقول قصص
:)
انا عندي تعليق على الحبيبة فاكوفر
"
كل واحد فينا ممكن يمل حياة الروتين بعد سنوات من الزواج
طبعا الفرق انه المراه مستحيل بتترك حياتها وتدور على شيء يديد
اما الريال فالزواج الثاني متوفر وسسهل ومحد بينقد عليه لو سواها
"
مو مستحيل على المرأة ان تحاول خارج سور بيتها واسرتها
بعض الحريم طبعاً
وهذا واقع حاصل الحين بالديرة
الله يستر
والسبب الرجال والجرأة الزايدة الي ما من وراها اللا الخظأ والحرام
لما تقول الزوجة
ابيه يحس شنو يسوي فيني
مأساة الصراحة
وهذا اصعب ما يكون على المجتمع
ولا يقل عنه اهمية اذا اختل التوازن بين اعضاء الاسرة الواحدة
الله الحافظ
وانا اقول الاسرة ترتكز على المرأة في مجتمعنا الشرقي بشكل اساسي
والله يعين الحريم
:)
ههههههههههههههههه
ودي اعلق تعليق رجالي بعدين اخاف تقولون اني متحيز
صح هذيل حريم قبل حتي تعرف متي تحشم نفسها
:)
الحين من تتزوج تبي خدامتين
واهيا ما تشتغل
وتبي سايق وعندها سيارة وليسن
بس ناقص وحدة تحمل عنها:)
شوفي علشان نكون واقعيين وصريحين
الاخطاء والعيوم من الطرفين ( الطرفين - الطرفين - الطرفين ) انا متعمد اكررها لكن الحياة تمشي اذا الاثنين حسوا انهم ما يقدرون يتخلون عن بعض وحياتهم ارتبطت
وتجاوز العيوب ما يكون الا بالحب
ونسيت اقولج
اذا الريال عقب الصبيان والبنات يدور عيب
الحريم بعضهم من اول اسبوع حطه لسته عيوب :P وقالت طلقوووووني
ما تشوفين نسب الطلاق
شنو حولتي من أبلة علوم لأبلة اجتماعيات والا شنو ;q
vancouver
هلا و مرحبا خيتوو ^_^
كلامج صح بس هم الريال ما لقى فيها عيب الا هالدمنه اللي توه يكتشفها عقب عشرة عمر !!!
تعرفين المثل اللي يقولج مالقوا في الورد عيب قالوا ليش خدوده حمرا اعتقد هذا عذر ريلها و لا جان ما
دور العرس عليها بهالسرعه و صارحها بعيوبها لو كان عندها عيوب و شاريها .
و كلامج عين العقل ان الاثنين مسؤولين عن حياتهم و مشاركتهم لبعض و محاولة تقويم العويج فيهم و الحياة تمشي بالصبر مو يكون طرف بايع و طرف شاري اهني القهر صج :(
و عسى الله يوفق الجميع يارب
حبيبتي طوالتج تهبل حياج الله دووم
و الخووش مرورج قلبووو :)
--------------------------------
esTeKaNa
يا هلا و غلا
بستكانه و استكانتها :)
و الله يازينج انتي و يا زين طلتج
رايج و راي فانكوفر على عيني و راسي بس هم اهو ما فكر بالعشره و سيده دور على مره :(
تدرين انا حيييييل عاجبتني طريقة
الام يختي ذهينه :P
و عساااج دووووم متفائله غلاتي :))
--------------------------------
صبا
لووووووووووول
صبويه زهبته من حرصها على بنيتها
و اللي سوته جنه جرس انذار او منبه عشان تعرف متى بيتغير :P
ما اعتقد خربت بيت بنتها لو الريل يبيها ما خلاها تطلع و لا لو رادها ما ظنتي الام بترفض الا يا الغاليه عافها .
صح في امهات يخربون بيوت بناتهم بالزن على روسهم و بالافكار السوده بس هالمره احسها ذكيه و ما بنيتها تخرب بيت بنتها الا اذا انخرب بيد راعي البيت .
اميييييين الله يهدي الجميع للخير :)
يا قلبي على امج الله يحفظها لكم
و يطول بعمرها :)
--------------------------------
ManalQ8
هلا و مرحبا منول :)
حلت دنياج وخيتي اشرايج اسوي
امتداد لبرنامج حبابه و يصير
قلب طفله الحبابه D:
الله يستر ع الجميع و يهدي سرهم
صح صح الله يعين الحريم :))
-------------------------------
Mishari
اهلا و سهلا خيوو :)
لوووووووووول
لا لا ابدا منت متحيز اخذ راحتك
عادي نتقبل نقد الطرف الاخر :P
قريت ردك على امي ضحكت و قالت
و اهو صاااااااااااج :)
عاد حضرتي عقب رد امي بقولك انت
صاج بس مو كل حريم هالوقت من نمونة صاحبة اللسته :P
ممكن تكون بنية حلال و الريال يكون مزهب لستته و يقول مابيها ما عجبتني ما تلاحظ نسب الطلاق يا وخيي :P
الاكيد ان مثل ما قلت الطرفين مسؤولين و يكمل واحدهم الثاني هذا اذا كانوا باقين على العشره و الايام الحلوه و بالنسبه للازواج الجدد اذا يبون الاستقرار :)
------------------------------
Kuwait
لووووووووووووووول
لا و انتي الصاجه اخصائيه اجتماعيه
اشرايج مو احسن من تصحيح الكتب :Pp~
اااااااخ يالرياييـــــــــــــل !
مامنهم أمـــــــــــــــان !
لاعاجبهم العجب و لا الصيام برجب p:
اااااااخ يالرياييـــــــــــــل !
مامنهم أمـــــــــــــــان !
لاعاجبهم العجب و لا الصيام برجب p:
الموضوع حلو
ومين قال انها غبيه؟
راجل غبى الى يعتقد ان المراءه غبيه
تحياتى
اااااه منج على هالسوالف وتقولين قلب طفلة بعد الا قلب ملبد ماشاء الله :)
لووووووووووووول
والله شوفى حسب معرفتى وسماعى لكثير من السوالف ابى اعترف ان وايد مشاكل بين الزوجين سببها الريال مو كفو..والله يعينهم:)
يا حلوج ويا حلو سويلفاتج
والله فكره بس
الله يهداها ليش ما عدلت
من نفسها عشان ما يملها
ويعيشون عيشه هنيه
يعني قبل الريال قايم بكل شي برة البيت اكيد المرة بتكون سنعة
الحين حتى تجديد الزواج ومصرف البيت عالمرة!!
وان كيدهن عظيم
:)
شلون الدوام انشاءلله مرتاحه يا ابله
اوووو تعالي نسيت اقولج
ما تدرسين خصوصي؟؟؟؟
ترى انا صاير مدرس خصوصي ههههههه
زين نبهتيني
عشان اتعلم حق المستقبل
اي اي خربيييييييني
فتحي عيوني على هالسوالف
وانا البرييييييئه اللي ما اعرف شي
p;
اقصد تجديد الجواز
انا ما احرض عليكم ابدا ابدا!!
عيل ها اللي انتي تسوينه شو!!
ههههههههههههههههه
سررت بقرائة الندوينه:)
:)
خووووش بوست
وخوش موضوع
:**
ووحشتيني
وينج قاطعه
عسى ماشر؟؟؟
:)
انا بريء
Lavender
اهلين بالغاليه لافندر :)
صح صح ما يعجبهم العجب و لا الصيام
في رجب بس بيني و بينج مو تقولين لاحد
في حريم من طقة اللي ما يعجبهم
الصيام في رجب :P
--------------------------------
momken
اهلا و سهلا ممكن :)
الاحلى تواجدج تسلمين
صح عليج رااااجل غبي اللي يعتقد
ان المرأه غبيه :))))
--------------------------------
kazmawy
@@
يمااا قلبي بيوقف لا اله الا الله عليك عينك حااااره و النبي دنا قلب عيله بس اسمع من اللي قلوبهم ملبده و اقلدهم :Pp
زييييين الحمدلله يعني تدرون ان في
رياييل مو كفو و يعلون القلب :(
اي و الله الله يعين المبتلي :)
منور يابو عين حاره :P~
-------------------------------
Mamloo7a Q8ia
يا هلا بالملح و القبله :)
منوره حبيبتي بعد الغيبه و عساها
تحلى دنياج :)
اي الفكره عجيبه بس يختج لو ينفع
جان عدلت بروحها بس الزوج بايع و
لا هدها و راح يدور غيرها :(
-------------------------------
ميرامار
اهلييين خيتوو :)
و الله كلامج صحيح و الحمل زاد على المره صارت اهي الام و الابو بنفس الوقت
بس السنعه سنعه مهما كانت الظروف
و عسى الله يعين الحريم و الرياييل على بعض من الصوبين تلاقين العوج .
--------------------------------
kuwaitawy
اهلين بالاطفائي :)
شفت شلون احنا مو هينين دير بالك :))
الدوام الحمدلله ماشي الحال مرتاحه و حبيته اكثر و اكثر عسى الله لا يغير علي و عليكم الا للاحسن يارب ^_^
امممممم
خصوصي ما ادرس بس جم تدفع و
عقبها اقرر :P
@@
شنووو انتسبت لوزارة التربيه و
هديت المطافي ؟؟؟
-------------------------------
ShLaLaT
يا هلا و غلا بالبريئه :))
لوووووووووووووووووول
انا ما قلت شي و لا سويت شي شفيييج نسيتي اني قلب طفله اصلا انا اتعلم منكم :P
--------------------------------
ميرامار
لوووول
اول شي تخرعت قلت بعد الحريم
يجددون الزواج @@
تالي فهمتها :))
-------------------------------
اقصوصه
هلا و مرحبا اختي :)
لووووووووول
ما سويت شي قاعده انبه الطرفين
بس و افيدهم :P
و انا سررت بتواجدج حبيبتي ^_^
-------------------------------
الزين
زيوووووووون انتي وينج ؟
فاقدتج من غير شر
بعد قلبي الخووش اهو تواجدج عسى الله
لا يحرمنا منه :)
و انتي و كتاباتج وحشتيني
اكثر ربي يعلم
:***
--------------------------------
kuwaitawy
الشر ما يجيك يارب :)
بس كنت مشغوله باسبوع مدرسي حاافل
و مثلك عارف الويكند نتنفس فيه :)
تسلم ياخوي ع السؤال ربي يسعدك
--------------------------------
bu-saad
اهليييييييين بالحداق :)
شلونك و شلون الدراسه ؟
هههههههههههه
اكييييد للحين برئ
بس لدشيت القفص الذهبي ان شاء الله
بنقرر اذا كنت برئ او لا :P
عسى الله يوفقك :)
إرسال تعليق