الأحد، 18 يناير 2009

يوم تمرمط فيه برستيجي





مرات يمر علينا يوم نحس و مو حلو كلش يعني


يوم تتشربك فيه كل الامور و تطيح بمواقف


تفشل و ما تكون عامل لها حساب !!

حزتها من اول موقف تتعرض له تقول انا


من مصبح بويهه اليوم ؟!؟!



عاد لما اتذكر اني مصبحه بويه قطوه سووووده


لابده تحت السياره و تخززز و لا تخاف توقفني


دقايق انطر يتكرم سايقنا و يهوش لها عشان تولي يا شينه


من يوم تاخرت بسبتها و المدرسة يم البيت ... هذا ( 1 )

و انا مشتطه اصعد الدرج بلحق على مراقبة امتحان


تكرفست بس الحمدلله تمسكت بالدرابزين جان متكسره


بس الطالبات المتواجدين يمنه و يسرى يبون يتباطون


ع الامتحان سموا علي و شالوا اغراضي انا تعدلت


و فيني البجوه مع اني كنت بزفهم ع


التسكع بس مالي ويه :( ... هذا ( 2 )

بعد الدوام رديت حطيت راسي و نمت صحيت


المغرب مزاجي اروح السوق و بالذات البلوكات


والتراث الهندي و ميسور حنيت على اميمتي


تروح معاي و رضت و اخذت الثلاثي المرح خواتي


معاي قلت لهم بنطلع نتعشى بعد السوق و يا طلعتا قشرره

وصلنا قمت احوس بمحلات الخام و تشريت


و بعدها طلعت بين مبنين سابقه امي و خواتي


من العيله و الا فجأأأأأأه ......



طططططططططططخ @@




شي كفخ جتفي اليمين من فوق التفت اطالع


الا المح شي رمادي كبير @@ ... هذا ( 3 )



واااااااااااااااااااااااااااااااااااااااااي يماااااااااااااااااااااااااااااااا


حشرررررررررررررررره و اركض صوب امي


و خواتي جنطتي بصوب و موبايلي بصوب بجيت


و قمت اطامر :((((((



ما وعيت الا امي و السعلوات اللي معاها يضحكووون


و يمعون اغراضي و قمت اتلتل عبايتها و خريها وخريها


حشررره سمعتها تقولي هذا طير سهل الله عليه


يوم شافج و اختار جتفج و انا زادة هسترتي


لييييييييييييييش بهالليل طييييييييييييييير


و اختارني انا بالذات لييييييييييييش طبعا


مو واقفه على بعضي و مو قارده اطالع بهالشي اللي


جأني من حيث لا ادري فطسوا ضحك و انا


امشي جني عبيطه أسال كل من اشوفه جدامي


وين الباث رووم و الكل منصدم و اللي يضحك


و اللي يتابع الاحدااث ااااااااااااااااه حدي تمصخرة :"(



سييييده رديتهم البيت لا و ما احاجيهم


ما ادري شذنبهم مساكين لووووووول




بس عرفت ان ذنبهم الشماته فيني نشروا الخبر


و لا اقدعها وكالة انباء حق ابوي و اخواني


و استلمووووووني تعليق :@



كلش و لا اخوي الصغير المليق يقول


اللي مضيع طيره بالليل خي ياخذج معاه


ادلينه مكان الطير لانج عنصر جذب لهم


من بد خلق الله يا صديقة الطيور :@

ينقالي الجبيره اسم الله علي سفهته


و قاعده اتحلطم بقلبي ااااااااااخ يا برستيجي :s


لا اراكم الله مكروها في برستيجكم


و لا حطكم بزنقه مع طير بالسوق :((

28 التعليقات:

Kuwait يقول...

هذي حوبتيييييييي ;q
ليش ما مريتيني أطلع وياكم لووول

Kuwait يقول...

على طاري طيحتج على الدري ..
ايام الثنويه وبعز الشطانه طاحت جدامي أبلة الاجتماعيات الله لا يواريج الشماته ..
بويها أقولها أبله طحتيييييييييييي
والضحك لما آخر الممر ..
لا ومشيت وراها لما وصلت القسم جدام باقي المدرسات جان أقولها أبله ترى للحين أكو تراب بهدومج من الطيحه على الدري لوووووووووول ;q

Enter-Q8 يقول...

مصبحه بويه بوعيده يمكن

مو شي كلش

الخيلاء يقول...

هههههه

سلامة برستيجج

بـركـــــان يقول...

هههههههه ضحكتيني ... تمر على الواحد أيام ما ترقع .. بس حلوه كلمتك طير و بالليل و ليش انا ههههههههه


good luck next time

الثائر

AuThoress يقول...

انطر يتكرم سايقنا و يهوش لها عشان تولي ?


الله السايق يفعل كل شيء حتى "التهوّش" على القطط... عمار يا كويت :)

ZooZ "3grbgr" يقول...

ما على برستيجج إلا العافية

قلبج قلب طفلة

نامي وتقومين باجر ناسيه

:")

قلب طفله يقول...

Kuwait

حرام عليج مريتج و حرقت الهرن جدام باب بيتكم ما طلعتي يقولون كنتي نايمه خلي النوم ينفعج جان محصله مثل ما حصلت :Pp

يمااااا منج مجرمه في ابلاتج لو
انا منها جان ذبحتج حرام كافي
قصة الويه :(


------------------------------

Enter-Q8

لووووووووول

لا قطيعه اخر علمي في ابو وطنيه

يوم مباراة منتخبنا مع السعوديه

اي و الله مو شي كلش ملش


------------------------------

الخيلاء

الله يسلمج من الشر و عسى ما
يحوش برستيجج مثل ما حاش برستيجي
<< حاشني شد عضلي و اكتبها لج :))


------------------------------

بركان

دووم الضحكه خيوو بس دير

بالك ربي يبليك << تخرعك :P

صاج و الله في ايام ما تترقع كلش :(


-------------------------------

AuThoress

يعني ما تخافين من القطوه @@

بالله شلون بركب سيارتي و القطوه

يم التاير و سايقنا يمسح السيارات

منو غيره بيهوش لها ؟!

و عماااااااار يا كويت :)))


------------------------------

ZooZ "3grbgr"

الله يعافيج قلبووو :)

اي مو سهل انسى بس التنقز

اللي يذكرج مصيبه لوووول

صبا يقول...

عين وما صلت على النبي

تعالي أهووووووووو قربي خليني اقرا عليج شوي جود انه الحسد يطس بعيد عنج

سلامتج من الطيحه ومن هالطير الي يايج مفتلت ...خنت حيلي ما لومج لي صرختي


اسم الله عليج
ديري بالج مره ثانيه

وانما سالفة القطوه وايد تصير معاي

اموت من الخوف اذا كانت تحت سيارتي كله يتراوالي انها بتمسك اريولي وتشمخني
:(

بنات عبدالغني شربت يقول...

يعني نفس ما يقولون اليوم مو يومج كان

الحمدالله ان عدى اليوم على خير

vancouver يقول...

واي بعد قلبي طففففففله

منظووووله ياخيتي
منظووووله
ههههه


اسم الله عليج وعلى بريستيجج

عاد انا مثلج
لما يصير موقف
لازم اثنيه
واثلثه
لوووول

سلاااااااامات

واحنا البنات استغفر الله مادري ليش
لما نشوف شيء يتحرك بالذات حشششششره
نتدووووده
ونناقز
فيهم شيء يثيييير الاشمئزاز

!!

تكبرين وتنسيييييييييين

هاهاهاهاها

قلب طفله يقول...

صبااا

بعد قلبي الله يسلمج ما قصرتي
جني عقب قرايتج طخيت :P

القطاوه رررعب
لووووول نفسج احس بتشمخني
و لا بتعضني بسرعه ادخل ريولي :s


-----------------------------

بنات عبدالغني شربت

اي و الله ما كان يومي
كان يوم الطير :P

الحمدلله يت على جذي :)


-----------------------------

vancouver

شفتي اي حسيت اني منظوله و اللي نظلتني هالقطوه عمى بعينها بس ابشرج عقب قراية الملايه صبا صرت احسن D:

حدددددده الحشرات عقدتي من ايام الجامعه الناس يصورونهم و انا
منحاشه اخر اللاب ما اقدر اشوفهم عقب الموت اطل طله عن نفس الدكاتره :P~

بعد قلبي الله يسلمج :))

شـقـــــران يقول...

ابلتنا الغالية قلب طفلة


ياحسافة ياحسافة على البرستيج اللي تمرمط

:)))


لا يبه...لاتمرمطتي ولا لاشي...هذي مواقف تصير دايم وبجميع الأماكن ومع جميع الناس


لكن


وش قصة الطير؟


يمكن الطير يبي حنان وكان يغني

والله الجفا برد

وفجأة شاف أبلتنا الحنونة قلب طفلة وراحلك دون تفكير
:)))




تقبلي تحياتي وأمنياتي الطيبة

kazmawy يقول...

لووووووووووووووووووووووووووووووووووول
كاااااااااااااااااااااا
كككك
ووى ىووىى ووىى
بطنى يعورنى من الضحك
افااا يام برستيججج
افا يا معلمة الاجيال
اخرتها صرتى فخ الطيور
لوووووووووووووووووووووووووووووووووول

ماعليه ماعليه تصير باحسن العواييييل
لوووووووووووووووووول
والله ماعليه مو شماتة بس خلينا نتمتع باللحظة ...عيش اللحظة
لووووووووووووووووووووووول
ماعليه ماعليه كسرتى خاطرى يا قلب طفلة..
:)
اما اخوج الصغير يستاهل عزيمة على ستار بوكس من صج :)

قلب طفله يقول...

شقران

لوووووووووووول

امحق حنان يا خوي هالطير
صروعني عساه ما يدقى و لا يذوق
الحنان << شريه


----------------------------

kazmawy

حجي بوعين حاره هذي عينك مافي غيرك :s
تبي تعزم اخوي هاااا
يبي لك انت وياه احد يعزمكم
مع مصارع ايده تهد طوفه :P~

ReLaaaX يقول...

يابعد قلبي تصير وايد تصير ... انتي بس تعوذي من ابليس ولا تحسبين شكثر صار لج شي مو زين ولا تفكرين أصلا ان بيصير لج شي مو زين عشان مايصير


---> جم مو زين وجم لج بالجمله السابقه ;p


لا جد .. القطوه السوده لا شفتيها تعوذي من ابليس ، اعرف احساسج والله العظيم لا بعد آنا اردى منج اتحلطم على القطوه احاجيها يعني فيصير شكلي شبه مينونه !


والطير أتوقع لو كنت مكانج قعدت افحط من البجي ;p


والحمدلله الحياة ماشية .. بس ارد اذكرج لما تصير لج شغلات مو حلوه قطيها بوقتها ورا ظهرج وانسيها او تناسيها عشان ما تير وراها أشياء مو حلوه زياده :)))


تير باللغة العربية تجر

عــــــابره يقول...

ياااااااااااكره هذي المواقف

والله تبط الجبد ولا تكرفسج جدام الطالبات يهون عند الحشره لانهم مايعرفونج بس هذول ويهج بويههم وراحت الهيبه

قهرررررر انقهرت

قانونى كويتي يقول...

الف سلامة لج وما اتشوفين الشر

وكل طيحة بتعلومة

بـنـت بـطنـهـا يقول...

لوووووووووووووووول واي لا كلش مو شي المواقف
شوفي انا عندي اعتقاد اهو خطأ بس دايما جذيه في بالي ان يومي كله يعتمد على الصبح شلون كان الصبح مر بسلام معناته اليوم اوكي صارت عفسه الصبح اليوم كله ينعفس
وشكلج مشيتي على النظرية لول
خطاج السو .. بس ما قلتي لي شنو نوع الطير ؟ لوووووول

أتيت متاخرة يقول...

تصير يا حبي ومعأحسن الابلات
ربي لا يمرمط برستيج أحد
خاصة الابلات جدام الطالبات

ميرامار يقول...

سلامة بريستسجك قلب


انتي ابلة علوم؟

mantovani يقول...

مرحبا


الله يعلم شنو كانت ماكلة الحمامة

qesat_5ayal يقول...
أزال المؤلف هذا التعليق.
qesat_5ayal يقول...

يقولون اذا الطير شسمه
يعني يايلج الخير
:P



شعلييييج
من قدج
:Pp

qesat_5ayal يقول...
أزال المؤلف هذا التعليق.
كبرياء وردة يقول...

وااااي عورتي قليبي

حاسة فيج ليش ان امس كان واحد من هالايام بالنسبة لي
جم مرة بغيت اطيح وصارت لي سالفة بمطعم

الزين يقول...

يا علج العافية

:)

ذبحتيني ضحك من الصبح

ماعليه تعيشين وتاكلين غيرها

وبعدين الطيور على اشكالها تقع

ليش زعلانه

:**

قلب طفله يقول...

RelaaaX

اهلين و سهلين قلبوو :)

متعوذه من ابليس يختج لو صار موقف واحد تهون بس ثلاثه حدهم جايدين :s

هههههههههههههه حلوه شبه مينونه الله يبعد عنج الينون انا كنت بهاليوم مينونه رسمي :P

تجر و تير يعطونا كلمة تسحب ^_*

شرايج بالتوضيح عاد :)))


-----------------------------

عابره

بعد قلبي شفتي حده قهررر بس
الحمدلله ما عندي طالبه مثل كويت
جان استقلت ولا انتقلت :P


-----------------------------

قانوني كويتي

الله يسلمك من الشر اخوي :)

تعلومه متوقعتها تفرق عن
الغير متوقعه :)))


-----------------------------

بنت بطنها

هلاااا و غلاااااا

وين مختفيه يا بنيه

ترا ولهنا عليج :)

تصدقين ما فكرت بجذي بس يختج لما
توالت على المواقف قلت كله من
القطوه لووووول

ما ادري عن نوع الطير عساه ينقرض :(


----------------------------

أتيت متأخرة

صح لسااااانج

عسى الله لا يحط الابله على لسان
طالبه ما شاء الله عليهم
مشاريع دلالات لكبروا :x


-----------------------------

ميرامار

الله يسلمج بعد قلبي

اي ابلة علوم :)

بس ما اعطي دروس خصوصيه :P


-----------------------------

mantovani

مراحب خيو :)

ااااااااه

لا تقهرني ترا بدلتي مابيها

قطيتها عقب هالموقف هالدور

تسالني شماكله :(((


-----------------------------

qesat_5ayal

قصه

@@

لااااااااااا مابي هالقد

امححححححححق :(

جان تبينه اعطيج عنوان المكان

اللي لابد فيه الطير و الخير :Pp

-----------------------------

كبرياء وردة

اي حده تكسرين خاطر عمرج
بهالمواقف لا و لضحك عليج احد
و مسكها عليج كلش مو شي :(

يلا ما عليه تكبرين و تنسين << تأزرج


-------------------------------

الزين

يعافييييج
و عسى الضحكه ما تفارقج :))

بس لا يكون ضحكج تشمت ترا
الطيور بكل مكان ديري بالج
لا تطلعين الا و الامبريلا معاج :P