الأربعاء، 12 أغسطس 2009

حالة مالي خلق




السلام عليكم يا اهل المدونات الغاليين (^_^)


اشتقت لكم حييييل و ربي يعلم


و متابعه لكم من بعيد لبعيد


ما ادري شنو حاشني من بدت العطله


حالة مالي خلق شي حتى اتعاجز افكر و لصممت


اني افكر حاشني النوم لووووول


ادري ادري الحاله اللي عندي تخرع


ان شاء الله ما تحوشكم اهي مخوفتني بس اطمن


نفسي و اقول


هذي يمكن الحاله اللي حاشت اخوي عثماني و اكتشف لها


مسمى اللي اهي


(( Bloglessation )) بس انا تطورت عندي الحاله


مو بس حق البلوق حق كل شي لوووووول


عاد اليوم الحمدلله نويت اجحت هالحاله بعيد و اتقوى


عليها بعد بس لمتى << علمي نفسج


اي علمت نفسي و فهمتها و كاني رديت كتبت بوست اهو صج


تحلطمي شوي لكن قليلا دائم خيرا من كثيرا منقطع :P


بسبة حالة (( مالي خلق شي )) طافتني اشياء كتيره اوي


لحبايبي و اخواني المدونين و المدونات


يعلم الله اني فرحت لفرحكم و حزنت لحزنكم منها :


- تخرج نجومه من الجامعه ..


(( الف الف مبرووووك نجمه و منها للاعلى ))



- عودة زوز عقر بقر بالسلامه اهي واميمتها الله


يحفظها لها (( الحمدلله على سلامتكم ))



- عودة الغاليه مملوحه كويتيه (( الحمدلله ع السلامه )) .



- كويت المفقوده من غير شر (( ويييينج يا بنيه ترا انغمت قلبي


كل ما اطل بمدونتج القاها مقفله لا يكون حايشج نفس


حالتي @@


الله يحفظج وين ما تكونين يا الغاليه )) .



- منو ينسى فاقدينج من غير شر (( الله يحفظج و يردج بالسلامه ))


- صباااااا فاقدينج من غير شر (( الله يحفظج و يردج بالسلامه ))


- ميرامار فاقدينج من غير شر (( الله يحفظج و يردج بالسلامه ))



- ست شلالات من غير شر غطيتي من عقب نتائج اللعبه .


(( الله يحفظج و يردج بالسلامه ))


- الاستاذه العسل استكانه و جائزة هديل العالميه ان شاء الله


تاخذنينها لانج تستاهلينها و الله مو مجامله ابدا .. موفقه ..


(( ما خليت احد اعرفه الا و سويت لج دعايه
عنده فزعة كويتيين :P ))



- ذكرى الغزو العراقي الغاشم اللي مستحييييييييل ننساها مهما صار .



و الى هنا اكون كسرت شوي من حاجز الصمت و حالة المالي خلق ^_*






10 التعليقات:

SHAHAD يقول...

هلااااا والله بـ ابلتنااا
وولكم بااك حبيبتي
ولاازم تتغلبين على هالحاالة لأن وراج رمضان وبعدين دوام :/
سعييدة بعودتج : )
لا تقااطعين : )

كبرياء وردة يقول...

ولكم باك

اي غصبي نفسج على الكتابة

لا تستعصي الحالة اكثر

وعلى قولة شهودة حبيبتي رمضان والدوامات يايين

والربادة مهي زينة وانا وخيتج :p

اشتقنالج

عثماني يقول...

من طول الغيبات جاب الغنايم

:)

حيا اخيتي الغالية .. سعيد جدا لعودتك

والله يبعد عنج البلوقلزايشن

:)

وعسى الله يعدل كل الامور

بـابـل يقول...

ياهلا فيج بين أهلك وأخوانك

والله مكانك خااالي وغيابك طاااال هالمرة

ياهلا ويامرحبا بقلب طفلة

وحالة الملل هذى عادية ةكلنا صارت معان لاتحااتين :)


ولازم تتجددين وتردين تكتبين أحلى من أول


وبس

بابل

قلب طفله يقول...

shahad

هلا و غلا فييييج شهوده

تسلمين بعد قلبي

اي و الله صاجه يا الغاليه رمضان و دوامات و عقبه عندي مناسبه مهمه
لازم اتغلب على الخمول ..

و انا اسعد بتواجدج

::****


--------------------------


كبرياء ورده


يا هلا و غلا بالورده و كبريائها

با بعد قلبي ما تشتاقين لغالي و انا اشتقت لكم و كاني غضبت نفسي
و طردت الرباده من الباب :P

:****


---------------------------


عثماني


اهلين بأخوي العزيز :)

الله يحييك و يبقيك و ربي يسعدك دووم

اي جبت الغنايم ترس وانيت بس نطروا علي خل استفيق من سباتي عدل
و اوزعه عليكم :P

عثماني يبليه تطعيم عن
البلوقليزيشن طلع معدي ^_*

اميييييين ربي يعدل كل الامور للجميع


----------------------------


بابل


يا هلا في مدير مدرسة الحب

تسلم يا خوي ربي يسعدك

ان شاء الله ابشر بالخير

:))))

Barrak يقول...

الحمد لله على السلامه

نفس الحاله انا اعاني منها


يمكن تشبع

يمكن مليت


ماادري شالموضوع

aL-NooR . يقول...

welcome back

مرحلة وتعدي ..:)


****************

fatto يقول...

الحمد الله على السلامه ياحلوه :) وولكم باااااك :)

وحشتني سواالييفك :)

روان يقول...

انا ساعات ..
مالي خلق نفسي
p;

قلب طفله يقول...

Barrak

يا هلا و الله اخوي براك

الله يسلمك ويعافيك :)

هم انت حايشتك هالحاله الله يعين

و ان شاء الله تروح عنك هالحاله

ما نبيك تتشبع او تمل لان احنا

نبيك بينا و ما تشبعنا

من حروفك ^_^


----------------------------

aL-NooR

اهليييين اخيتي :)

تسلميييييين حبيبتي

اي لازم لازم تعدي بطت

جبدي هالمرحله :))))


--------------------------

fatto


هلااا و غلااا فاتووو

الله يسلمج غلاتي

ما تشوفيش وحش ياربي

:******

----------------------------

Rawan ..

اهلييين روان

اي اي هم هالحاله تحوشنا

مجربين كل حاجه :P