انتظر و لا احتضر ؟!
لفتحت عيني بعد نهاية حلمي بك
و لارتسمت البسمه بعد مشاهد صورتك
انتظر و لا احتضر ؟!
لسمعت غنايه حلوه تهديها روحي لك
و لقعدت بوسط ناسي ما اسمع الا همستك
انتظر و لا احتضر ؟!
لارتشفت فنجان قهوه القى في قاعه بسمتك
و لما يهرب فرحي مني في تخيل جيتك
انتظر و لا احتضر ؟!
لصفنت ع البحر ساعات و انا متخيلتك
و لدريت انك قاسي و ناسي و لاهي بدنيتك
انتظر و لا احتضر ؟!
لحسيت الزمن يجري و انا باقيه اسيرتك
ياحُب عيني
قبل شهرين (2)
28 التعليقات:
ولي فزين من نومي انادي بسمك
انتظر ولا احتظر
آه ليش تكتبون كلام يعور القلب تره والله ما دشينا اللبلوغز إلا علشان افرح انفسنا لا تكتبون كلام يعور الفؤاد.
لا تنتظرين ولا تحتظرين عيشي حياتج وفرحتج بتييج بتييج
لصفنت ع البحر ساعات و انا متخيلتك
و لدريت انك قاسي و ناسي و لاهي بدنيتك
فعلا قسوه
إيـــــــــــه
يا طفلتي الحلوه
قررت اني اعيش ولا انتظر ولا احتضر
تسلم ايدج حبيبتي
:*
انتظر و لا احتضر ؟!
لرتشفت فنجان قهوه القى في قاعه بسمتك
و لما يهرب فرحي مني في تخيل جيتك
انتظر و لا احتضر ؟!
لصفنت ع البحر ساعات و انا متخيلتك
الله الله
احساسج طاغي
جدا
انتظري
:)
كلماتكِ الرائعه تعزف حالة انتظار الاحتضار ..
تتلون لتقول إنتظري حتى تحتضرين ..
فبعد كل ذلك الانتظار ستأتي لحظة الإتضار في ساعه لا مفر منها عندما تطول المده ..
كلمات رائعه كُتبت على جدار مدونه مميزه ..
تقبلي مروري المتواضع ..
kuwait
2cool2care
هلا و مرحبا
اسم الله عليك اخوي من عوار
القلب ، سوري :(
بس مرات نكتب عن هم ضيقه فرحه
انتظار احاسيس تمر ع الجميع
يعني خليط مشاعر انسانيه
و عسى الفرح ما يتركك ^_^
حياك الله
Noor
هلا و غلا بالنور ^_^
اي اكيد عيشي و فرحي و استانسي
و ربج كريم :)
يسلمج و يعافيج غلاتي
حياج الله دووم
`~MnO YeNSa! ~`
اهلين و سهلين ^_^
تسلمين حبيبتي من بعض ما عندكم
يا ام الاحساس الراقي :)
حياج الله
Mok
يا مرحبا يا مرحيا ^_^
ان شاء الله عمي بنتظر على امرك :p
نورت اخوي
Kuwait
هلااا و غلااا ^_^
الانتظار موت بطيء عندما يختلط
الحلم بالحقيقه عندما تنقطع خيوط
الامل و نعود لنسجها من جديد .
الروعه اهو مرورج و تواجدج
المميز با كويت
تسلمين غلاتي :)
دمتي بحب
ليش قصص الحب لازم تكون مؤساوية ؟؟
ليش النكد يعني !
:s
ليش ما تحبون وانتو مستانسين !
غريب أمر الحب في هذا الزمان
Blog 3amty
انتظر و لا احتضر ؟!
لحسيت الزمن يجري و انا باقيه اسيرتك
انتحر !!
قلب طفله
لااااااااااا يما لا تنتظرين وعساج ما تحتضرين الا بعد عمر طويل اللهم امين.......شوفي يا بنيتي الي يشترينا نشتريه والي يعي لا يبينا عسى الله مايرده لانه لا هو من نصيبج ولا قسمتج ولا هو يستاهلج وعسى الله يرزقج بالي يقدر قيمتج ويستاهل مجبال هالوييهه الحلو
يا سلااااام
اي والله انتظر ولا احتضر
لصفنت ع البحر ساعات
و انا متخيلتك
و لدريت انك قاسي و ناسي
و لاهي بدنيتك
عوااار قلب
Blog 3amty
هلا و مرحبا ^_^
انت سالت سؤال الكل يبي له اجابه
ليش الحب لازم يكون فيه مأسي و
حزن ونكد ؟!
لان بهالزمن يا خوي صارت القلوب تنباع
و تشترى سهل الخداع و سهله كلمة حب
تنقال و الاسهل نكران مسلسل هالحب
بلحظه بالمختصر المفيد (( نزوه مو حب
اللي تاليته نكد و مأسي ))
الله يبعدنا وياك عن المأسي يارب
نورت العمه و بلوقها :))
ShLaLaT
هلااا و غلااا ^_^
لا يبا لا تنتحرين حقج علينا
الانتظار اهون لوووووول
حياج دووم :)
ام الحفيز
يا هلااااا و غلااااا
بالطش و الرش و البيض المنقش ^_^
يا نهار ابيض ايه النور ده ام
الحفيز زايرتنا الساعه المباركه :)))
يا بعد قلبي و الله حجيج درر درر
و حلت دنياج و اخرتج يا الغاليه
و هذا الصح و لا غيره عذاب له اول
ماله تالي عسى الله يبعد عنا و عنج
و عن المسلمين الم الانتظار :)
نورتيني وخيتي
Mamloo7a Q8ia
هلا و غلا بالمملوحه ^_^
حبيبتي ربي يبعد عنج عوار القلب يارب
اسعدني تواجدج الحلووو
حياج دووم
صباح الخير .. :)
لاتنتظرين ولا تحتضرين الا على الي يستاهلج .. الي يشتريج و مايرخصج
و غيره عيشي حياتج و استمتعي بكل يوم فيها
تقبلي مروري الاول :)
بنام سببتيلي أرق الحين :( انا ناقص كدر بروحي مزاج وفيني عصبية اللهم ياكافي الحين هالكلام لا بس ما أقدر لكن
أقول أبدعتي فأقنعتي لا البس القبعة فلا ادري ماذا أرفع لكِ يبدو أني ساكتفي بالشكر فقط :)
الأنتظار أحتضار الأعصاب والأشواق والحنين مو؟؟؟
يعني بالحالتين أحتضار!!!
عزيزتي خاطرة تذبح والله
أصفقلك برموشي
أحساسك طاااغي
وبس
بابل
الخيلاء
يا صباح النور و السرور
و هم مساء الفل و الياسمين ^_^
صح لسانج يا الخيلاء
و نورتيني بمرورج الاول عزيزتي :)
حياج الله
صقر قريش
هلا و مرحبا
اسفه جدا جدا ع الارق و الكدر :(
و العصبيه عادي ترا تزورنا كلنا
هذا اذا ما كانت مقيمه عندي بعض
الايام :p
تسلم يا اخوي على كلامك الطيب و
الشكر موصول لك على هالطله
دمت بسعاده
بابل
اهلين و سهلين ^_^
انت قلت :
(( الأنتظار أحتضار الأعصاب والأشواق
والحنين مو؟؟؟
يعني بالحالتين أحتضار!!! ))
و انا اقولك مع الاسف صح
و مليون صح :(
تسلم اخوي العزيز ع احساسك المميز
و تواجدك الرائع
نورتني
لرتشفت فنجان قهوه القى في قاعه بسمتك
و لما يهرب فرحي مني في تخيل جيتك
انتظر و لا احتضر ؟!
عجييب :*
بس لا تحتضرين
ولا حتى تنتظرين
وعيشي حياتج :*
العزيزة قلب طفلة
شخصيا...مازلت انتظر!؟
وشكرا على هذه الأبيات الجميلة والمتفائلة في حل قد ياتي من البعيد....القريب!؟
ملاحظة
أرجو تعديل الكلمات التالية
لرتسمت=لإرتسمت..فأصل الكلمة..ارتسم
لرتشفت=لإرتشقت..وأصلها..ارتشف
مع العلم أنّ الهمزة همزة وصل وليست همزة قطع مع أنني وضعتها همزة قطع فقط كي تميزيها عن اللام الممدودة
مع وافر الإحترام والمودة
المحــــــب/
شــقـــران
Najmah
هلا و غلا ^_^
العجيب تواجدج و بأذن الله لا
انتظار و لا احتضار :))
تسلمين ع المرور الحلو مثلج
نورتي
شقران
هلا و مرحبا اخوي
شكرا ع الملاحظه و الشرح :)
تم التعديل ما قصرت
نورت بو راكان
إرسال تعليق