كل عام و امي و امهات العالم بخييييييييير و سعاده
في يوم الام ما ادري شقدم لاميمتي
احس كل شي شويه عليها و ما يوفيها حقها
ادري ان كل يوم بالسنه و كل لحظه بعمري
اهي يومج و عيدج بس هم يوم لكل امهات العالم
يوم تكريم لج و لهم ..
بقلبي كلاااااااااام و حب لج يا ست الحبايب
ما يوازيه مخلوق ...
تعبتي و سهرتي و درستي و خفتي علينا و كبرتي
و نسيتي كل شي لعيون عيالج بدوووووووون
مقابل فقط لكونج (( امــ )) ام حنونه تملك قلب من ذهب
ام مضحية ام تعطي و لا تاخذ ....
يما احبج و عمري ما يكفي لو اهديج
يما قدرج و ربي ما يقل او يثبت الا كل يوم يزيييييد
يما انتي عزي و مقداري يما يجنتي و ناري
يما انتي رفيجتي من كنت بمهادي
يما كل ما اتذكر تضحيتج بتكميل دراستج الجامعيه
عشاني احس نفسي ولاااااشي قدمت لج يساوي هالتضحيه
كان ممكن تدرسين و تراعيني كان ممكن تخليني
عند يداتي كان ممكن اشياء وايد ...
بس قلبج اللي حبني و فرح فيني و بخواني من عقبي
ما طاوعج تتركينا لو ثواني ...
لما كبرت قلت لج كملي و قمتي تضحكين
و تقولين عقب ما شاب ودوه الكتاب ...
شنووووو شاب و شنو الكتاب انتي اروع ام شابه
شافتها عيني و اللي اكبر منج يكملون ...
رديتي و قلتي انتي واخوانج شهااااااداتي
اللي طلعت فيهم من الدنيا و احلى مستوى دراسي
وصلت له و بوصله فيكم مو بلياكم .
تضحياتج واااااااااايد وااااااااااااايد وااااااااااااايد
شقول شخلي انتي ادرى بحبنا لج ..
يما سامحيني ادري انا اغثج مرات و اعاندج مرات
و زعلتج مرات بس و الله غصبن عني ..
ترا ما استانس بيوم لكنتي ثقلانه علي
لانج امي و حبيبتي و صديقتي و طبيبتي
و دنياي اللي تشكلت فيج و في الغالي ابوي
ياااااارب ما يحرمني منكم و لا يفرقكم يا اغلى ما بدنيتي
امممممم
لو بتكلم عنج انتي و ريلج اللي اهو ابوي العسل
ما راح اخلص بس دخلت ابوي معاج لان ماسوو
له يوم خاص اهو وباجي الابهات :(
بس ازعل وايد لو ما تدرون ان ايامنا كلها لكم و فيكم
اي صج تذكرين اغنية ((امنية )) حقت اصاله اللي احبهااااااااا
يننتج فيها بالسياره و كنتي تسكرينها و ارد اشغلها
و تسكرينها و ارد اشغلها تقولين ابي افهم منو اللي
لو تملكين حياتج تهدينها له لووووووووووول
ضحكت و قلتلج افااااا ما تدرين يعني منو
خزيتيني و قلتي تحجيييي
قلت اهم اثنين مو واحد @@
لفيتي علي و ودج تكفخيني منو اهم قووووووولي
قلت لج بالوقت المناسب راح اقولج حسيتج زعلتي
تالي يوم دخلنا البيت و شفتج انتي و ابوي قاعدين
قلت يمااااا :
الاثنين اللي اهديهم حياتي كاهم جدام عيني ..
واااي بس دمعت مابي اتحجى اكثر احبكم ربي يخليكم لي
و اغنية امنية و كلماتها الروعه ماكو احد يستاهلها بالدنيا الا انتوا
و الله اني ما اتمنى في حياتي الا شي ...
اني املك كل هالدنيا بيدي ...
ما اسمعك في يوم تنطق كان ودي ...
قبل لا تحلم احقق قبل لاتحكي اقول ...
قبل لا تشكي همومك لك اجي كلي حلول ...
و ليت كل هالكون بيدي لأجل احقق ما تبيه ...
أدري انه امنياتي هي مجرد امنيات ...
لو اني املكها حياتي كنت ابهديك الحياة ...
بس اشوف الابتسامة ما تفارق دنيتك ...
يلي كل ايامي تضحك لما المح بسمتك ...
إنت يا عزي و ذلي و اجمل اجمل ما حصلي وش اقدملك سواي ..
و ارمي ايامي تحت اطهر خطاااا ...
يلي كل ايام عمري قبل ما احبك خطااا ...
اي قهر و الله قهر اني ما اقدر حتي ما اقدر ..
اوصل حدود السما لاجل اهديلك قمر ...
ودي ودي و الله ودي بس مافي يديني شي ...
الله يحفظ كل الامهات و يحميهم ويطول بعمرهم على الطاعه
يارب لا تحرم ام من عيالها و لا عيال من امهم
يارب انك تشفي كل ام مريضه و تعافيها و تفرح قلوب عيالها
و جميع مرضى المسلمين يارب العالمين
يارب اعنا على طاعتهم و برهم دنيا و اخره
يارب انك تشافي والدة العزيزة (( زووز / عقر بقر ))
و تفرح قلبها بصحة اميمتها ياااارب
5 التعليقات:
يما انتي رفيجتي من كنت بمهادي
صباح الورد
لما نتكلم عن الأم والله أنا مااعرف شقول!
لأن عندي أم كل الحنان اللى بالدنيا معصور بقلبها
كل واحد يحس أن أمه هي وبس
أن أمه أطيب قلب
بس الأكيد أن هذى الأحاسيس موجودة بأغلب الأمهات سبحان الله
الأم مدرسة تعلم وطبيب يداوى ومدينة حب تطمن وتسقى القلب ليل نهار بحب صادق
وأحسن هدية تتمناها الأم صدقيني شغلتين
بوسة على الراس
وضمــّة وَلــَهْ..
ماتبي هدايا مغلفة
أحسدك على هالبوست الحلو حق أمك لله يطول بعمرها ويديها غيمة تظلل عليكم
الأغنية فظييييعة
شكراا طفلة
وبس
بابل
@@
الفخـر روحي قولي هالكلام حق امج مو حقنا ;q
ربي يخليلج امج ويخليلي امي وكل امهات العالم ..
ويارب انك تشافي ام زوز وتردها بالسلامه ويشافي كل الامهات المريضين ..
@@ صح مريضين ؟ :\
صباح الحب والمشاعر الحلوة
حديث الأم حديث بلا قيود وبلا نهاية
حبيت كلامج واااااااااااايد :)
الله يحفظ لج امج وابوج ويطول بأعمارهم ويعطيهم الصحة والعافية
ويخليج لهم
ويا رب دوم راضين عنج
وبوسيلي راسهم:)
:)
الله يخلي لكل واحد اميمته
ويحفظهم لنا ان شاءالله
وعقبال ماتصرين ام
:)
تدرين مرات اقول ياربي شنو بيكون شعوري إذا عيالي شرولي هديه وقالو يما انحبج
مادري اشفيني صايره عندي مشاعر امومه
وقلت لماما ابي اتبنا قطوه
بس المشكله اخاف من القطاوه
:(
ننتظر بوست اخر رائع
:**
ولهت عليج
بابل
صباح و مساء السعاده :)
يا هلا فيك
اي و الله ما نعرف شنقول اصلا كل شي تحسه شويه عليها من كلام و افعال
الله يطول بعمر اميمتك و يحفظها من
كل شر و الامهات كلهم يارب
امييييييييين يارب
العفو اخيي :)
-----------------------------
Kuwait
هلا و غلا بمدام مرسي :P
قلت لهاااااااا هالكلام و اكثر منه
لكن اخيتج ام دميعه بجيت شكو ابجي و انا ابي افرحها بس قلب فضيخ :s
حبيبة قلبي اميييييييييييييين يارب
امين ياربي تعافي ام زووز و تشافيها
و جميع مرضى المسلمين
@@
مرررررضى مو مريضين يا حظي ..
يبي لج دورة لغة باللغه العربية بقيادة ابله شهد و انا بصير زميلتج على مقاعد الدوره و اصحح لج D:
------------------------------
كبرياء وردة
صباح السعاده و الحب اللي ماله حدود
هلا و غلا ورده :)
اي و الله الكلام عنهم له بدايه و
ماله نهايه لانهم عطاء بلا حدوووووود
امييييييييييييييييين يارب
يا بعد قلبي حبج ربج و حبب فيج خلقه
عسى ربي يحفظ لج والدينج و يخليج
لهم و لا يفرقكم :)
باستج العافيه بعد عمري
:***
------------------------------
Noor
يااااااا هلاااااااااا
و ياااااااا مرحبااااااااا
نور عندنا يادي الفرح و السرور
اللي هل عليناااا :)))
انتي وينج يا بنيه ولهناااا علييييج
:***
ترا اول ما شفت الكومنت مالج قمت اطالع عدل يمكن تشابه اسماء
فقدناج من غير شر
ولكم باااك حياتووو ^_^
اميييييييييييين يارب
بس انا اصير ام @@
ما ادري شي يخوف انا للحين بيبي لو افكر اني اتزوج و يصير عندي بيبي اتخسبق لوووول
حبيبتي انتي عسى الله يحقق مرادج
و تصيرين احسن ام بالدنيا و ترا من الحين ما عندهم سالفه عيالج ان ما قالوا نحبج حزتها يبي لهم كفخه
<< امحق نصيحه :P
بقولج سر انا ودي اتبنى قرد صغيرون ما ادري ليش ابي قرد مع اني اخاف من الفراشه فما بالج بالقرد :s
الامومه عندي غريبه D:
و انا ولهت عليج لا تقطعين فينا
يا النور
:******
إرسال تعليق