مساء الورد
باجر الاثنين : 23 / 3 / 2009 حفلة تخرجي
من جامعة الكويت بعد سنه من التخرج راح نحتفل
بهاليوم مع زملائي و زميلاتي يوم بحياتي
ما راح انساه ..
طبعا الاسبوع اللي فات كان حوسه ازهب
لهلحفله اللي بتكون مره بالعمر
حدي فرحاااانه و حدي خايفه
ما ادري ليش يمكن لاني بستلم شهادتي
و بتكون تاكيد على انتهاء صلتي بالجامعه
و نهاية حياة جامعية مليئة بالذكريات ..
صج انا الحين متوظفه و صار لي سنه ما دشيت
الجامعه كطالبه بس كنت معطيه نفسي مهله
ليوم حفل التخرج عشان احس اني خلاااص
انهيت الجامعه لوووول
بإذن الله ما راح اوقف لهني بكمل ماستر و برجع
طالبه جامعه بس بمزاجي و فوق البيعه :P
يلا اشوفكم بعد حفلة التخرج و بقرق عنها
و بوثقها بالصور ان شاء الله :)
23 التعليقات:
مساء الورد
يسعدني إني أكون أول تعليق
ما أدري شقولج بس كل عام و انتي بخير
و أكيد انتي الحين مدرسة أد الدنيا على قولتهم :)
الله يوفقج و يسعدج :)
و على البوست اللي طاف الله يخليلج أمج و يخليج لها و ماكو أم تشيل بقلبها على عيالها :) و على بنتها الأبلة :)
يعطيج العافية و سلامي لج :)
ألف مبروك إنشالله :)
مساء الورود
يا هلا و مرحبا باخوي الكويت حبي
الحمدلله ع السلامه يا الغايب :)
و انت بخير وسعاده يارب
احم احم اد الدنيا كبيره عليه
دنا لسه بأول السلمه :)
تسلم اخوي ماتقصر ويوفقك و يسعدك
عسى الله يخلي لك والدينك و لا
يحرمك منهم :)
اسعدتني عودتك وااايد ^_^
---------------------------
احمد الحيدر
هلا و مرحبا اخوي
الله يبارك فيك
مشكوووور :)
مادري اقص على نفسي والا اقص عليج واقولج مبروك التخرج ؟
لوووووووووووووووووول
اتصدقين انا مادري ليش ما كان عندي ادنى اهتمام بهالحفله وطنشت ما رحت لا وشيشت البنات رفيجاتي ما راحوا
لوووووووووووووووووووووول
بس هالحفلـه تذكرني بموقف ما انساه طول عمري ;q
ماراح اقولج اياه D;
بس بقولج كلمـه "الله يعينكم عالمشي"
لوووووووووووووووووووووول
واذا انتي مو رياضيـه فالخبر اليقين عند خروفه الي اقعدت اسبوع تعابل بريولها عقب المشي من المواقف لما الملعب ومن الملعب لما المكان الي بتقعدين فيه تالي طريق العوده إلى المواقف ;q
بتضعفين ان شاء الله كيلوين عالأقل لووووووووووووووووووووووووووووووووووول
يلا قومي نامي وراج دوام يا ابله @@
أحلى لحظات العمر
استمتعي بكل دقيقه فيها
عن تجربة ماراح تنسينها طول عمرج
وإذ في مجال ومعاج نوته صغيره ترجمي مشاعرج بكلمات بسيطة تذكرينها بعدين
ألف مبروك
وموفقة دنيا وآخره
لوووول تصدقيين انا مو متحمسة ارووح
ورفيجااتي بعد نفس الشي
لأن أحسها قمة الفوضى :/
يعني حتى أهلي ما تسوى عليهم يروحون ويقعدون بآخر الدنيا حتى ما يشوفون ظلي :/
وهذا غييير المشي واللوية والحووسة
الله يعينكم مقدما
ومبروووك التخرررج يا حلووة : )
تصدقين حلاته حفلة التخرج على طوول من تتخرجين
ياربي رااحت حلااوتها عقب التوظيف :/
مبروووووووك مبروووووووووووك
صج صج يوم لا ينسى بالنسبه للطلبه
شكلها الحفله فيها بجي واااااايد
وثقي وثقي كل شي واللي يعافيج
نبي نشووووووف ونعيش معاج فرحتج
:**
الف مبروووووووووك
اكيد فرحة التخرج غير غير
ناطرين التوثيق :)
الف الف مبروك
ومنها للأعلى
مبروكين ان شاء الله نتمنى لك التوفيق
احلى ايام الجامعه بالنسبه لي
ابله
بعد قلبي مبروك التخرج
وما وصيج اليوم كشخي ..
واستانسي
الله يوفقج يارب ..ويحقق أمانيج
ولا يحرمنا منج يالغاليه
بانتظار البوست القادم
:******
أبلتنا الغالية قلب طفلة
ألف ألف ألف مبروك
وأتمنى لك حفلة جميلة وموفقة
:)
سعدنا بسعادتك يالغالية
تقبلي مني أجمل تحايا المساء
ان شاء الله تستانسين بالحفلة اكثر من ما انتي متوقعة
ومبرووووك
والفال لنا :)
صباح الورد
مليوون مبروووك
ومليووون وردة بهالمناسبة طفلة
وتستاهلين كل خير
وبس
بابل
kuwait
لووووووووووووول
راضيه تقصين علي يا نحيسه ؛P
تبين الصج انا بالبدايه مابغيت اروح بعدين غيرت رايي و قلت لازم اروح هاليوم انطره من زمان و الحمدلله بعد الحاح راحوا معاي ثنتين من رفيجاتي :)
و تبين الصج وايد وايد استانست كافي حواليني اهلي و حبايبي بهاليوم لو انه مر على تخرجي سنه ^_^
المشي مو حيل تعبت لان الباصات خذتني من المواقف و ردتني بس تدودهت و نسيت الكاميرا و موبايلي و اهلي نفس الشي نسوهم و صفيت على كاميرات
موبايلاتهم :s
الفال لعيالج يمه العوده D:
----------------------------
maha
يا هلا و مرحبا :)
اي و الله احلى لحظات العمر
صج ما راح انساها طول عمري :)
امبيه حدي فرحت بالجو العام و الخريجين من كل كليه حواليني فرحانين و اهليهم و اهلي و احبابي اللي تعنوا عشاني هالشي يكفيني و الله .
جزاج الله خير و يوفقج اخيتي ^_^
------------------------------
SHAHAD
مرحبتين شهوده
انا كنت نفسج و الله تالي قلت اهي مره بالعمر يهون التعب و اعيش هالجو :)
حسافه طوفتيها الزحمه كانت وايد اخف من السنه اللي طافت :)
الله يبارك فيج غلاتي
اي انا معاج لو كانت حفلة التخرج بوقتها احسن مليووووووون مره
بس يلا العوض و لا القطيعه
احسن من و لا شي :P
-----------------------------
ShLaLaT
هلووو هلووو بالانسه شيلووو
يا بعد قلبي انتي الله يبارك فييج
و الفال لج يا الغاليه
اي و الله بجي و احساس غريب عجيب مع انه مرة سنه ع التخرج الفعلي :)
:**
----------------------------
كبرياء وردة
هلا وغلا
الله يباااااااااارك فيج حبيبتي
اي و الله غير غير :)
الفال لج قلبووو
:**
------------------------------
Barrak
يا هلا وغلا بوعبدالله :)
الله يبارك فيك الفال لعبود و اخوانه
:))
-----------------------------
بركان
الله يبارك فيك يا الثائر :)
صاج احلى ايام عقب ما خلصناها
و لا قبل كنا نتملل منها
و نبي الفكه :P
----------------------------
صباااا
حبيبتي و الله يا ذات الرداء الاحمر :)
الله يبارك فيييييييييييج
لا توصين كشخت و استانست و استهبلت
ما خليت بنفسي شي الحمدلله :)))
و يوفقج حبيبتي و يسعدج
دنيا و اخره و ما يرحمنا منج
:***************
------------------------------
شقران
يا هلا و مرحبا
اخوي الغالي بوراكان
الله يبارك فيك و عساك تفرح
بتخرج راكان و وظيفته ان شاء الله
:)
------------------------------
MoRooJiA
اهلييين مروجيه :)
الله يبارك فيج اختي
الحمدلله استانست و الفال لج يارب
تستانسين و تفرحين بمثل هاليوم
:))
------------------------------
بابل
مساء الورود اللي مالها مثيل :)
الله يبارك فييييييك و يخليك
تستاهل الطيب اخوي ما تقصر
:)
الف مبروك و نتمنى لكم حياة عمليه ملؤها الانجاز و الطموح
ذكرتني بايام الجامعةما ابي اقول جم صارلي متخرج بس الله يرحمه جابر الاحمد خرجني
بس على العموم اهيا فرحة تلقين اللى ما شفتيهم من زمان وتحشين
وعقبال الماجستير
:)
Nasser99
الله يبارك فيك اخوي :)
-------------------------
Mishari
يا هلا فيك مشاري :)
اي اياااام حلوه
بس قول جم صار لك متخرج ^_*
الله يرحمه و يغفر له و لاموات المسلمين
و بعدين انا ما احش بتاتا البته بس اقول فلانه يت و علانه راحت :P
اميييييييييييين يارب
تسلم ياخوي :)
مبروووووووووك يا الغالية وان شاءالله نشوفج دكتورة تدرسين بجامعة الكويت يا رب "))
الف مبروك اختي ..
وعقبال الماستر :)
حلو هالشعور ربي يجعل حياتج
سعاده بسعاده ..
تقبلي مروري
مبروووووووووك وعقبال الشهاده الكبيره
على قولت اخواناالمصاروه ...بس شنهى الشهاده الكبيره....ماادري...هههههه
ان شاالله الدكتوراه يااارب
تستاهلين
ننطر الصور......مبروك
Çok güzel site.:)
kazmawy
يا هلا بخوي :)
الله يبااااارك فيك
امين يارب و ادرس اعيالك
و بقرص اذونهم :P
--------------------------
L!fe
يا هلا و مرحبا
الله يبارك فيج مشكوره اخيتي ما قصرتي
امييين يارب وياج وكل مسلم :)
نورتي
----------------------------
بنت الشامية
هلا هلا هلا بالغاليه :)
الله يبارك فيييييج حبيبتي
و الفال لعيالج يااااارب :)
لوووول حتى انا مثلج نسمع
بهالشهاده الكبيره و لا ندري شنهي
بس اعتقد شي اكبر من الدكتوراه
توه ما وصل لنا :P~
---------------------------
Mustafa Şenalp
و الله يا مصطفى ما ادري
شتقول بس حياك الله دامك من
اهل اسمر و مهند :Pp
إرسال تعليق