الاثنين، 4 أغسطس 2008

الجيران


قال رسول الله صلى الله عليه وسلم :
(( والله لايؤمن .. والله لايؤمن .. والله لايؤمن
قيل : من يا رسول الله ؟!
قال : من لا يأمن جاره بوائقه )) .
قيل : يا رسول الله . ما حق الجار على الجار ؟
قال : (( إن استقرضك أقرضته ، وإن دعاك أجبته ،
وإن مرض عدته ، وإن استعان بك أعنته ،
وإن أصابه خير هنيته ،وإن مات شهدته ،
وإن غاب حفظته ، ولا تؤذه بقتار قدرك إلا أن تهدي إليه ))
هل يا ترى جيران الماضي نفسهم جيران الحاضر
و لا اختلفوا و اختلف معاهم معنى الجيره ؟؟

21 التعليقات:

Blog 3amty يقول...

أختلفو طبعاً

أمس أحسن من اليوم واليوم أحسن من باجر ..

JooJ o MaJooJ يقول...

و الله مع الأسف ماعادو الجيران نفس قبل على قلب واحد....وحنا جيرانا كلهم أموااات قمته فريجنا :p
ماكو إلا انا احوووس
جوووج

elq87obi يقول...

قلب طفلة

مساء الخير و الأنوار

اي و الله و انتي الصاجة

وين جيران قبل و وين جيران الحين

الحين لو الجار جاره مات ما درى عني

خليها على الله يا معودة

بوست رائع

سلامي لج :)

Kuwait يقول...

مع ان امي صغيره بس شكلها من امهات أول ماخذا طبع يدتي بسالفة الجيران :|
أبوي لما كنا نبني بيتنا افتر على الجيران كلهم وإعتذر على الطقطقه والازعاج الي راح تصير قبل ما يبدا البنيان وطلب منهم أن أي وقت يكون العمال يشتغلون والجيران منزعجين يطلعون يقولون حق العمال يوقفون شغل ماكو مشكله D:
أما أمي حبيبتي أول ما نزلنا بيتنا طرشت اوراق حق الجيران يمعتهم كلهم للتعارف وطبعا خذت ارقامهم تخيلي امي تموت على الجيران لدرجة عادي الساعه 9 بالليل وحده تدق علىالثانيه فجأه إلا أصوات بالحوش اطل إلا امي والجيران قاعدين بحديقتنا :|
والغريب بالموضوع ان قبل ما امي تيمعهم الجيران ما كانوا يعرفون بعض وامي حاليا مو بس اتعرف جارنا الي الطوفه بالطوفه لاااااا الفريج كله تقريبا حتى البيوت الي بظهرنا هم تعرفت عليهم وصاروا اييون اليمعات مالت الجيران الي امي تسويها ;q
صج امي لاتعليق ..
برايفت حقج بس ..
حست وحست وحست واتصدقين اكتشفت اني دعله إلا أبي ديزاين على ألوان علم الكويت :|
خو مو عاجبني يكون اسمي كويت وحاطه جيسيكا ألبا والا لون مدونتي اصفر ووردي وبرتقالي ويح قلبيييييييي يا عسارتي ;s
لوووووووووووووووووووول

SHAHAD يقول...

أكيد اختلفوا
أذكر يوم كنت صغيرة كانت بنت جيراننا رفيجتي وعلى طول ببيتنا
من كبرنا وفرقتنا المدارس تفرقنا
لدرجة حتى هي بأي كلية مادري !
مادري شالسبب !
عموما كل شي اختلف عن أول
أول غييير

ناايس بووست : )

JooJ o MaJooJ يقول...

اي والله صاجه
كل شي تغير بهالزمن
الحياه ما عادت مثل اول
حتى لو انتي تبادرين بهالشي و تحاولين تظلين على نفس اطباع اول وعلى نفس عاداتنا
لكن المشكله ان الغير ما قام اتقبلها
مره اسكنوا يمنا جيران يدد
امي سوت نفس عادات اول تشتري الماجله لهم و تغديهم.. وبين فتره و فتره اتنقص لهم اكل... اتصدقين مايحبون هالشي و عازلين نفسهم!!
النفوس تغيرت


ماجووووج

قلب طفله يقول...

Blog 3amty

ولد اخو العمه اذا اليوم

احسن من باجر اتوقع العيشه

في هالباجر صعبه ..

الله يعين :(


----------------------------

JooJ o MaJooJ


اي و الله يا جووج كلش صخه و زين

يردون السلام على بعض لتصادفوا

بالشارع دنيا غريبه :(


-----------------------------

elq87obi

مساء النور و السرور

اي و الله ياخوي قلتها يموت جاره

يدري عنه من الجريده او زحمة العزى

الله يهدي الجميع لبعضهم ..

الروعه تواجدك :)


-----------------------------

Kuwait

ما شاء الله عليهم امج و ابوج الله يخليهم لكم و يحفظهم يا ليت الناس للحين عندهم هالعاده الحلوه و النفس الطيبه بينهم و بين بعضهم ترا و الله اليمعه و اللمه بالدنيا باجر كلن بقبره منعزل يا الله حسن الخاتمه.

تدرين كويت احنا في البيت العود جيرانا يهبلوون و ملوت اول الضحى الحريم الكبار تلاقينهم عند يدتي و سوالف و زوارات بينهم وبين بعض تحسين كلهم بيت واحد .

الحين لما سكنا بيتنا كلش الفريج ما يعرف واحدهم الثاني الا من جم بيت يهبلون الله لا يغير عليهم و امي و ابوي نفس طريقة اهلج بس لما اللي حواليج ما يساعدون ايج احباط لوووووووول

عسارتج تهبل يا العسره ههههههههههه
كلامج صح بس شوفي حاولي اترقعين شي بالفوتو و انا بحاول ارقع شي لعل و عسى يطلع معانا شي يرضيج :)))


-----------------------------

SHAHAD

يا هلا شهد :)

شفتي شلون حتى اللي كانوا معاج

حيل تغيروا الدنيا تغير و تفرق

حتى لو الطوفه على الطوفه للاسف .


----------------------------

JooJ o MaJooJ

يا هلا ماجوج :)

اي و الله صاااجه لو تكونين متمسكه

بعوايدنا القديمه و حق الجيره تلاقينهم

كلش مو متجاوبين فما عندنا الا نقول

سعيدين و بعيدين براحتهم .


نورتوا الغالييين ^_^

kuwaitawy يقول...

اسأل عن الجار قبل الدار


اي والله ان الجار له حق على كل بيت



الله يجزاج خير على تذكيرنا بحق الجار

Mamloo7a Q8ia يقول...

اختلفوا وااااايد

شوفي حبيبتي جيران اول غييير
الحين البوت اللي فيها كبار بالسن
لحد الحين تشوفينهم يسوون
ويتواصلون مثل جيران اول

ولا هالجيل قليل اللي تشوفينهم
يطبقون مبدأ التواصل بين الجيران

the.thinker يقول...

تسلمين على الموضوع الرائع .. ترى لما الحين في جيران زينيين والحمد لله ^_^

بس أكيييد مو مثل قبل .. صدقيني اختي العزيزة لو الواحد يصلح حاله وحال بيته جان البيوت كلها بخير :) لأنه بذره تغيير المجتمع تبدي من النفس .

تسلم ايدج ويعطيج ألف ألف عافية .

صقر قريش يقول...

قبل الجار لو كح يطق عليه الباب جاره يسأله شفيه الحين يا إن الجار مايدري عن جاره او الجار يحارب جاره لكن هم الناس فيها خير الله يعيد الأيام الحلوة لما كنا على قلب واحد

Super Woman يقول...

اكيد اختلفوا

الحين الجيران صاروا ما يعرفون بعض

قبل الجيران جنهم اهل تدخلين وتطلعين من بيتهم جنه بيت اهلج

انا الحين نشوفهم بالسكه وما نعرفهم

انا صارلي 12 سنه ساكنه بهالمنطقه
سمعت خبر ان ولد ييرانا ملج
انا اعرفهم بس توني ادري ان عندهم ولد اسمه عبدالعزيز !!!
وقبل امس اول مره اشوفه

!!


اما ييرانا الثانين فحدث ولا حرج
ما نعرف منهم ولا احد

مع ان امي تحرص على يمعه الييران
وتعرفهم كلهم الا هذول اللي جدامنا


:)

احلى شي اذا كانوا جيرانج اهما اهلج
حده وناسه

Shaima'a Alkandari يقول...

الجار قبل الدار

وهذا المعروف

بس الحين الجار يكره جاره ومايحترم جيرته

تدرين قبل كنا احنا وفريجنا شي موطبيعي كله ويه بعض بس الحين من غيرنا بيتنا مالنا شغل باحد لان جيرانا موشي كلش يعني يتناجرون وياج على اي شي عشان جذي مصكرين بابنا ومالنا شغل باحد



الاول تحول

قلب طفله يقول...

kuwaitawy

اسأل عن الجار قبل الدار

للاسف ياخوي هذا زمان :(

وياااك يارب :)


-----------------------------

Mamloo7a Q8ia

صاااجه يا مملوحه هذا الحاصل :(


----------------------------

the.thinker

اي اكيد في بس مو مثل قبل و شويه الاغلبيه محد له شغل باحد :(

صح بذرة تغير المجتمع تبدي من النفس لكن اللي يتلف نمو هالبذره تغير
اللي المحيطين و تاثيرهم .

و الله يسلمك و يعافيك :)


-------------------------------

صقر قريش

صدقت ..

امين الله يرد الايام الحلوه و

القلوب اللي على بعض :)


------------------------------

ShLaLaT

شفتي شلون بعد 12 سنه توج تدرين

ان عندهم ولد و السبه ملجته

الله يوفقه :)

شي غريب جيران و يم بعض بس القلوب

مو يم بعض كلش الله يصلح الحال :)

اييييييه حده وناسه لانهم اهلج :))


-------------------------------


Shaima'a Alkandari

يااااا هلاااا شيوووم :)

اي بعضهم لا كفاية خيرهم و لا كفاية

شرهم حتى على زجمة الشارع اذا صارت

حفله يتخانقون يا كثر ما نسمع .

الله يهدي الجميع :)

الجوهرة يقول...

السلام عليكم

و الله كل شي تغير حتى الجار صار مايدري عن جاره.. يمكن الصدفة تجمعهم اذا صادفة و اهو داخل بيته غير جذي صعب اتشوفون الجيران متواصلين بطريقة دايمة..


تقبلي مروري...

bhr.qadsaweya يقول...

بوست حلو
و اول ما شفت العنوان(الجيران)
قلت ما وراهم الا الأزعاج و عوار الراس
و طبعا جبرانا ما انتلاقى فيهم الا ايام الدوام الصبح و لا برمضان قبل الفطور انتنغص لهم و يتنغصون لنا
هذي عاده يعني عندنا ان نذوقهم من اكلنا و يذوقونه من اكلهم مادري اذا عندكم اياه بالكويت و لا لا
تقبلي مروري و يعطيج العافيه حبيبتي

بـنـت بـطنـهـا يقول...

والله بصراحة يا قلب طفلة اختفوا هالجيران مافي منهم الحين

استغفر الله الحين الجار شلون يبلغ شفه بجاره .. شلون ينقص على جاره .. شلون يسوي اللي يبيه ولا يحط اعتبار حق جاره استغفر الله .. الحين ما ودج تعرفين حتى جيرانج منو وين ايام اول عن ايام الحين اذا واحد من الجيران هاوش عيال ياره ابوهم ما يتكلم ويقول لهم قلعتكم ليش تأذونه هذا اذا ما كمل عليهم الابو بعد لانهم اذو اليار
بس السؤال ايام اول ممكن انها ترد؟

يوميات مغتربة يقول...

بوست رائع جدا :)

أشكرك عزيزتي

بـابـل يقول...

قلبتي المواجع ياطفلة:(

والله كا عندنا جيران افي مثلهم

بس للأسف كلهم تبدلوا ألحين مع الزمن

الجار قبل الدار

موضوع مميز وفكرة حلوة


تسلمين عزيزتي


وبس



بابل

الزين يقول...

اختلفوا اكيد

وايد مو شوية
تغيرت العلاقه
وراح الترابط
واحساس البيت الواحد
والأهل

صار كل واحد ماله شغل بالثاني
واذا سلمتي من أذاه زين بعد

خوش بوست
يسلم ايدج يارب

قلب طفله يقول...

الجوهرة

و عليكم السلام و رحمة الله و بركاته

يا مرحبا فيج :)

للاسف هذا الحاصل ..

اسعدني تواجدج


------------------------------

bhr.qadsaweya

يا هلا بأهل البحرين :)

بهالوقت اسم الجار يدل ع الازعاج و لا المشاكل سبحان الله فرق عن الماضي اللي كان الجار اخو و صاحب بيت .

و هم احنا بعد برمضان عندنا
هالعاده انتنقص لهم و يتنقصون لنا
و الله لا يقطعها يارب :)

و الاحلى تواجدج اختي الله يعافيج ^_^


------------------------------

بنت بطنها

يا هلا و مرحبا :)

صاجه بكلامج بس هم في ناس للحين
فيها الخير و الله يكثرررهم يارب .

جااااان زييييييييييييييين
يا وخيتي ترد بس ما ظنتي كل شي
حلو قام يندثر :(

وهم بقول ان شاء الله ترد مافي شي
بعيد على الله يغير و لا يتغير :)


-----------------------------

يوميات مغتربة


يا هلا فيج :)

الاروع تواجدج فيه

و العفووو نورتي :)


------------------------------

بابل

اهلييين اخوي :)

شي يحز بالنفس و يعور القلب تغير

الناس و طبايعهم الله المستعان .

الحلو تواجدك يا بابل و الله يسلمك :)


-----------------------------

الزين

هلا و غلا زيون :)

"" صار كل واحد ماله شغل بالثاني
واذا سلمتي من أذاه زين بعد ""

صدقتي زمن اغبر اللي يدور الجار
السلامه من جاره و الفكه من شره
اذا ما وراه خير :(

الله يهدي النفوس :)

الخوش طلتج يا الزين و الله يسلمج