بعد التخرج كمعلمة علوم و اجازه طويله
نسبيا ابدا مباشرة العمل الاحد 24/ 8 / 2008
في دورة المعلمات الجدد .
لا اعلم كيف اصف شعوري فهو مزيج من
لا اعلم كيف اصف شعوري فهو مزيج من
عدة احاسيس تنتابني الان
فرحه ، خووووف ، ارتباك ..
تعودت على السهر و النوم المعفوس فوق تحت بعد
تخرجي فيبي لي الحين يتعدل يومي المخربط
انا بطبيعتي احمل روح طفله عنيده طيبه
فرحه ، خووووف ، ارتباك ..
تعودت على السهر و النوم المعفوس فوق تحت بعد
تخرجي فيبي لي الحين يتعدل يومي المخربط
انا بطبيعتي احمل روح طفله عنيده طيبه
مرحه صادقه خجوله فما ادري
هالطفله راح تقدر تتاقلم باجر مع جو المدرسات
هالطفله راح تقدر تتاقلم باجر مع جو المدرسات
اللي كانت تحسبهم عالم غيييييير
عن عالمها لما كانت طالبه !!
صحيح انهيت التربيه العمليه و جربت التدريس
صحيح انهيت التربيه العمليه و جربت التدريس
و حصدت حب الطالبات اللي كنت بينهم و كاني
بين خواتي اللي بعمرهم صرت صديقتهم و المصيبه
لما كنت اعصب عليهم يستغربون ابله لا تتصنعين
لما كنت اعصب عليهم يستغربون ابله لا تتصنعين
العصبيه ما يلوق عليج امبيه حدي مفضوحه لووول .
و الحمدلله المعلمات اللي حولي و الاداره حبوني
و الحمدلله المعلمات اللي حولي و الاداره حبوني
و اعتبروني اختهم الصغيره بس الفرق اني كنت
طالبة بالجامعه و تربية عملي لكن الحين ابله
صجيه معتمده و مع سبق الاصرار و الترصد لوووول
طبعا النوم بتصيده الليله من المحاتاة
طبعا النوم بتصيده الليله من المحاتاة
عاد من اليوم و رايح شعاري
بيكون نام بكير تصحى بكير
ابله مجتهده مو ؟؟
بيكون نام بكير تصحى بكير
ابله مجتهده مو ؟؟
تصبحون على خير و دعواتكم
20 التعليقات:
مبروووك يا ابلة
:)
عسى ربي يوفقج ويسهل كل امورج
ويقدرج على هالمسئولية
وينفع فيج الاجيال القادمة :))
انتي قدهاا يالغاليه
كبرنا وصرنا ابلات : ))
الله يوفقج ياارب
ويعينج على قعدةالصبح
انتم السابقون ونحن اللاحقون
التدريس مسؤولية كبيرة
بس انتي قدها إن شاء الله
بالتوفيق حبيبتي
وطمنينا عنج : )
اول شي الف مبروك انشاءلله وعقبال مدرسه اولى ورئيسة قسم وموجهة علوم ومديرة منطقة تعليمية :)
انتي قولي امين وبس
نورية الصبيح مو احسن منج :)
-----------------
هذي تعتبر نقله نوعيه من بيئة الى بيئة اخرى فالشعور هذا طبيعي جدا جدا
واحب ان انصحج واقول
ترى البداية اهم شي يا ابله والله اهم شي
قابلت وفد من التربيه ياي لندن وقعدت اسولف مع واحد منهم
ويقول والله المشكلة بالتربيه من المدرسات الكويتيات مالهم خلق تدريس واهمال بدرجة اولى وغياب بشكل مو طبيعي
سألته السبب
وجاوب بصراحه
السبب بالبداية
على حسب بداية البنت بعد ما تتخرج
اذا داومت بمكان عمل منظم وحريص كل الحرص على الطلبه وماكو اهمال
تتبرمج تلقائي وراح تكون حريصه ومدرسه شاطره بعد
لكن اذا داومت مع مدرسات ما يدرون وين الله قاطهم اهيا راح تكون وحده منهم
اتمنى ان بدايتج تكون ناجحه
لأن كل شي يعتمد على البداية
قعدي بينج وبين نفسج
وسألي نفسج اكثر من سؤال
انا شنو المفروض اسوي و و و و و
اتمنى لج التوفيق
------------------
بالنسبة للشعور الغريب اللي تمرين فيه هالايام
فما بالج
كويتي كان اطفائي بالكويت والحين في بريطانيا يداوم بمركز مطافي مع الانجليز وبروحه بعد
شنو تتوقعين يكون شعوره قبل لا يداوم باسبوع :)
ادري طولت عليج
اسف عالاطاله واتمنى انج تتقبلين هالتعليق الطويل
مع خالص تحياتي وتمنياتي لكي بالتوفيق
الف مبروك يا رب
و منها للأعلى انشاءالله
لا تحاتين وخليج قدعه :)
ماجوووووج
صبااااح الورد يا ابله
الله يوفقج ويفتح عليج فتوح العارفين وويسخر لج كل خلقه
:)
الحين انتي اللي مباشره العمل وانا اللي مستانسه ليش مادري
!!
اهم شي عطي من قلبج
وحبي شغلج
وعقدي النية في كل نهار ان يكون حتى تدريسج تبتغين فيه رضا الرحمن
وكل امورج بتتسهل انشاالله وباجر بتسولفين لنا عن يومياتج يا ابله
:****
بالتوفيق ان شالله
تصدقين كان حلم حياتي اكون مدرس لمرحلة الابتدائي .. ما الله كتب بعد شنسوي
شدي حيلج و الله يوفقج ان شالله :)
Najmah
هلا و غلا :)
الله يبارك فيج حبيبتي
اهو من ناحية ينفع فيني الاجيال
القادمه اتمنى ذلك :))
و يوفقج ما قصرتي غلاتي ^_^
الفال لج تتخرجين و نفرح فيج
----------------------------
SHAHAD
اهلا و سهلا ابله شهد :)
شفتي شلون صرنا ابلات و بموقع
مسؤوليه مو سهل الله يعين :))
اي قعدة الصبح معاناة بس اليوم
ما نمت خير شر قاعده و اتحرى
المنبه لوووول
الفال لج يارب و تلحقيني عن قريب :)
و يوفقج و يسعدج و الجميع يارب
------------------------------
kuwaitawy
هلا و مرحبا بأخوي كويتاوي
الله يبارك فيك و يخليك :)
بقوول امين افا عليك لا و الله
مو احسن مني يمكن اصك عليها:P
صاج اخوي بالنسبه للغياب و الاهمال
لما كنت بالتربيه العملي اشوف
التسيب بشكل مو طبيعي و الاعذار
على قفا من يشيل الاهم عندهم
المعاش اخر الشهر الله يهديهم.
اكيد شعوري بالارتباك والخوف و لا
شي عند شعورك كافي الغربه الله يردك
بالسلامه لاهلك و ديرتك مرفوع
الراس :)
و لا تعتذر و لا شي مرورك اسعدني ^_^
----------------------------
JooJ o MaJooJ
اهلييين ماجووج :)
الله يبارك بعمرج حبيبتي
و من ناحية قدعه تظاهرت بالقدعنه
و ربج ستر ^_*
----------------------------
esTeKaNa
مساء الورود :)
هلا و غلا بالغاليه استكانه
بعد قلبي و يوفقج و الجميع يارب
ههههههههه حتى انا شكثر استانس و
اتشقق لقلتوا اخبار حلوه عن نفسكم
و استانستوا احسه انا :)
الله يونسج بالعافيه حبيبتي
و اليوميات لا توصين بمللكم لوووول
كافي اول يوم شفت فيه العجب و
بنزله بوست ان شاء الله .
-----------------------------
secret
اهلييين اخوي سكرت
و يوفقك و الجميع يارب
ان شاء الله تحقق حلمك بعيالك و
بعدين ما تدري لو انها خيره انا
كان حلمي طبيبه بس الخوف خلاني
احول مكتوب لي اكون ابله :)
واااي لااا ما احب جو المدرسات
بس بالعكس دام هذا تخصصج فأكيد انتي تحبين التدريس
و بتكونين الأبلة الحبوبه اللي كل البنات يحبوونها و يستانسون عليها
:)
و فعلا تجربة يديدة و كبداية تحسين شوي بالخوف بس انتي قد هالوظيفة
راح توصلين رسالة للطالبات مو بس بالمنهج اللي تدرسينه
حتى بمعاملتج معاهم
انتي بتكونين قدوتهم
اختهم الكبيره اللي تحبهم و تخاف عليهم
اختهم اللي تنصحهم
انا حاسة انج قد هالوضيفه :)
و راح تبدعين بمجال عملج
عسى ربي يوفقج يا أبلتنا :)
و بشريننا اول بأول عن الدوام اليديد :)
موفقه يالغالية
الف مبروك يا ابله
:))))
عسي الله يوفقج بهالوظيفه وترتاحين فيها من عقب لوية الدراسه والتدريب
عن جد فرحت لج ,قدها وقدود يالغاليه
انشالله نشوفج ناظره :)))))))))
بس الله يعينج علي قعدة الصبح
اتمني لج التوفيق وتستاهلين كل خير
اشتقت لج
:********
الله يوفقج ابلتنا
لا تنسين تاخذين معاج
المنشور الزجاجي
الشوكه الرنانه
المجهر
الزنبق مادري زئبق
انابيب الاختبار
كافي اتوقه حق اليوم الاول :>
راح يحبونج صدقيني
الله يوفقج ويسهل دربج
طمنينا وعطيني شرح مفصل
على البركه ودعواتك اتخرج من الثانويه:)
الله يسهل عليك وكل شي فبدايته صعب
ومن تعب لعب
اتمنالك كل خير وراحة
وموبس
بابل
أول شي مبروك الوظيفه .. وحلو شعور أول الايام .. بس المشكلة هي في تعديل النوم حق اللي كانو يحبون السهر ومحاضراتهم تكون بعد ال10 ..
عموما الله يوفقج في تدريسج .. ومنها للاعلى :)
قلوبنا وياج والله يوفقج فى عملج يا مربية الاجيال
ان شاء الله هذى اول درجه فى سلمك الوظيفى ....وعقبال اخر السلم...لوووول.....تستاهلين
مبروك يا أبله :) الله يعينج انا دوام المدارس ما أحبه الله يعينج عليه وادعيلي انا هم هدفي التدريس لكن ادرس بالجامعة ان شاء الله:)
الف مبروك اختي وموفقة
:) افتحي بقاله
وردي طفله احسن من عوار الراس يا ابله
ماشاء الله إكثروا الأبلات البلوقيات والله ;q
لووووووووووووووول ..
الله يعينج على لوية الطالبات والتصليح والامتحانات :\
مشالله عليكم اشلون تتحملون تصيرون مدرسات أنا لو اصير مدرسه من ثاني يوم الناظره فاصلتني انا بدل الطالبات D:
الله يوفقج بعد قلبي وتستاهلين الخير ..
يوميات مغتربة
هلا و غلا فيج :)
تنصدمين لو اقولج ما كنت اتخيل
نفسي ابله بس سبحان الله صرت
ابله لووول
بعد قلبي على التشجيع ما قصرتي
و عقبال فرحتج بوظيفة فهودي :)
-----------------------------
صباااا
حمدلله ع السلامه يا قاي من السفر :)
الله يبارك فيج حبيبتي
و يوفقج و الجميع يارب صاجه
اللي للحين معاناة وياه اهي
قومة الصبح *_*
الله يعيييييين
و الله و انا اشتقت لج خيتو :***
-----------------------------
ShLaLaT
اهليييين و سهلييييين :)
ههههههههههههههه
يا حلوج ذكرتيني بهالادوات تدرين
عاد تخصصي بيولوجي يعني احياء
مالنا شغل باغلب اللي ذكرتيه
بس بدرس متوسط فراح احتاجهم
مع بدء الدراسه و كل ما اشوف
شي من اللي ذكرتيهم تاكدي
اني بضحك و بذكرج و بسميهم
دوات شلالات :**
بعد قلبي و يوفقج و الجميع :)
------------------------------
bu saad
يا حيا الله بوسعد :)
الله يبارك فيك و يخليك وخيي
و عسى الله يوفقك بدراستك
و تحصل اللي تتمنى يارب ^_^
------------------------------
بابل
يا هلا و مرحبا :)
صاج ياخوي البدايه دايما صعبه
و ان شاء الله عقب التعب لعب بذمه و
ضمير و شي يسعدني و يرضي ربي :)
تسلم و يسهل عليك و يوفقك
------------------------------
molok
يا هلا و مرحبا اخوي :)
الله يبارك فيك و يسلمك
اهو حلو و بنفس الوقت يربك و يخوف
صح مشكلتي تعديل النوم و لو عدلته
و خربته بالويك اند ترد المعاناة
و يوفقك و الحميع :)
------------------------------
بنت الشاميه
هلا و غلا :)
و يوفقج حبيبتي
لما احد يقولي مربية الاجيال اخاف احسها مسؤوليه و ربي يعين كل معلمه عليها و ان شاء الله اكون قدها
تستاهلين الطييييب وخيتي :))
------------------------------
صقر قريش
يا مرحبا صقر قريش :)
الله يبارك فيك و يخليك اخوي
عسى الله يوفقك بدراستك و تحقق خلمك
و تصير دكتور بالجامعه و بإذن الله
بكمل و اكون زميله وياكم :))
------------------------------
Mok
حيا الله موك
و الحمدلله ع السلاااامه :)
ههههههههههههههه
لو بكيفي جان افتح مجمع العاب
اطفال و داخل بقالات مو بقاله
و اتم طفله على طول :P
-------------------------------
Kuwait
هلاااا بملح المدونات :))
لوووووول شفتي كثرنا اسم الله علينا
مو بعيد نفتح لنا مدرسه بلوقيه
و بحطج انتي الناظره :P
لوية الطالبات و التصحيح و
الامتحانات اول شي نختب فيهم و
بعدين نتعود و ربج يعين و يسهل ^_^
و يوفقج يالغاليه تستاهلين الطيب
هاى عليكى ياامر الموضوع حلو اوى بس انا جديده عليكم ياريت تزرونى فى المدونه بتعتى ومرسى ليكو
إرسال تعليق